ОьрчIан 6 барз хьуннин арцул хъирив буккан аьркинссар

[dropcap]В[/dropcap]а шин дайдирхьуния шинмай республикалул шагьрурдал ва районнал хасъсса идарарттайн цалчин бувсса оьрчIан (ягу кIилчинмур оьрчIан ниттил капиталдания) хIукуматрая багьай­сса арцул хIакь ласун чивчусса аьрзирдащалсса 2 азаллий 231 инсан увкIун ур.


З. АьбдурахIманова
Республикалул ЗахIматрал ва соцлябуккулул министерствалул бусаврийну, ттинин мукунминнавасса 2 азаллий 192 инсаннан дуллуну дур ккаккан дур­сса арцу.
Республикалул циняр районнава яла чIявуми аьрзри кьамул хьуну бур Хасавюртуллал райондалий.

Шиккува дакIнийн бутан, «О ежемесячных выплатах семьям, имеющим детей» тIисса федерал закондалийн бувну, 2018 шинал январьданул 1-нния ши­хунмай гьарца зурух цалчинмур (кIилчинмур оьрчIан ниттил капиталдания) оьрчI бувсса, ягу цалашиврий оьрчI бивхьусса нитти-буттан арцул хIакь булун ккаккан бувну буссар, гьарца региондалун цинма-цинма лавхьхьуну.

Да­гъусттаннай, мисалдаран, зуруй 9 азаллий 774 къуруш дулун ккаккан дурну дуссар.
Арцул хъирив буккан аьркинссар оьрчIан 6 барз хьуннин.