Га макьалалуву Салимат дакIнийн бутлай бур: «Ай, ласнал арс ивчIаврил тахсиркаргу ттуя бувну, цувагу, жугу кьабивтун, лавгунни» тIий.

Амма чунни Салиматлул лас Игорь лавгсса, тари му лавгсса, цикIуй бувчIлай бакъар? Му циняв миннал кулпат кIулцириннан бикIу, мачча-гъаннан бикIу, щинчIаввагу къатIааьнсса щялмахъ буну тIий. Нач, адав, ламус, хъунасса Заннаяту, инсантурая. Интернетрава кказитрайн чичайни циванни цал хъирив къалаяйсса? Салиматлул лас, Сулайманов Игорь Ирбагьиннул арс, увссар ва хъуна хьуссар Бесланнай, аьсатIиннангу, лакрангу хъинну бусравсса кулпатраву. Ппу, Ирбагьин (аьпа баннав) хъинну хIурмат бусса, ГАИ-рал зузала ия Бесланнай. Инсаншиврул бутIа ххину буллусса инсан ия. Нину Маржанат (алжаннул ххари баннав), мукунма, уздансса, ххаллилсса, цила кулпатрайнияр цайминнай дакI аьтIисса, цIими бусса, ка-кумаг байсса хъамитайпа бия. Игорьдул уссу Мурад зий ур Москавлий ккарччал духтурну, хъинну ххуйсса инсангу ур, уссугу ур. Ссу Анжела цила кулпатращал ялапар хъанай бур Уренгойрай. Зий бур онколог-гинекологну, ва бур медициналул элмурдал кандидат. Ва, нину-ппу кунма, цила уссурваврай аьтIисса, мудангу чIарав бацIайсса ссу бур.
Игорьдул бур ссурахъал, мачча-гъанми Дагъусттаннай, Аьрасатнаву, щилкIуй дардирал чIарах, ка-кумаг къабувну, къабуккайсса. Цува Игорь, ххуйсса къатта-къушгу бувну, Салиматлущал ва цала кIивагу душнищал ялапар хъанай ур Каспийск шагьрулий. Хъинну хIарачат бусса зузала ур, каши дуну ур.
Хъингу бувну, ххуй бантIиссар Лейлагу.
ЧIяйннал жяматрал цIания