Аьрасатнаву терроризмалийн къарщисса, Чувшиврул дарсирдайну, Вирттаврал гьайкаллацI тIутIив дишаврийну ва цаймигу патриот зумунусса мероприятиярттайну кIицI лаглагисса кьини МахIачкъалалив 8-мур лицейрал чIирай, СВО-лий шагьидну жан дуллусса школалул выпускникнал, СантIуев МахIаммадал цIагу, суратгу дусса мармарчарил ула тIиртIунни. МахIаммадал чувшиврий жан дуллуссар 2024 шинал январь зурул 23-нний Запорожскаллал областьрайсса Вербовое тIисса шяраву. Къизгъинсса талатавриву ккаккан дурсса чувшиврухлу лайкь...

Ххамискьини, сентябрьданул 4-нний, ЦIуссалакрал райондалийсса Чапаево шяраву хьунни Ватандалул мурадру буручлай шагьид хьусса виричунал цIа абад дуллалисса мажлис. Хасъсса аьралий операциялий къучагъшиврий жан дуллусса Салманнул арс Сайпуттин Салмановлул аьпалул ула тIиртIунни ва ялапар хъанай ивкIсса къатрал чIирай. Шикку гьуртту хьунни ДР-лул Халкьуннал Мажлисрал Законодательствалул, закондалул, паччахIлугъ дузал шаврил, кIанттул цила каялувшиврул ва регламентрал комитетрал председатель...

ЦIуссалакрал райондалий агьалинащал хьунаавкьунни тIабиаьт дуруччаврил МахIачкъалаллал районнал дянивсса прокурор Василий Григорьев. Прокурорнал аьрххилул мурад бия халкь бизан баврил хIакъиравусса масъаларттах къулагъас даву ва ми дузал баврин ка-кумаг баву. Хьунабакьаврий гьуртту хьунни ЦIуссалакрал райондалул бакIчинал хъиривчу Амир Султанов ва «ЖКХ «Новострой» МБУ-рал юрисконсульт АхIмад Къаранов. Шикку ххал бивгьунни ЖКХ-лул, тIабиаьт дуруччаврил ва цаймигу масъалартту. Хъунна­сса...

Щалагу Аьрасатнаву нанисса «Наш мир без террора» тIисса акциялул лагрулий Дагъусттаннал Росгвардиялул управлениялул «Горец» ОМОН-далул зузала Р.Рустам хьунаавкьунни олимпий резерврал спортрал школалул оьрчIащал. Мероприятиялий гьуртту хьунни школалул директорнал хъиривчу Рамазан Шяъванов, Дагъусттаннал МуфтиятрачIасса просвещениялул отделданул зузала ХIасан Нугаев, Дагъусттаннал Виваллил иширттал министерствалул балугъравун къабивсса оьрчIал иширттаха зузисса инспектор, полициялул хъунама лейтенант ХIажи ТIагьиров. Росгвардиялул зузалал...

Сентябрьданул 1-нний, цIусса дуккаврил шинал цалчинсса кьини, лахъа-хъунсса даражалий, чIявусса бусравсса хъамалгу гьуртту хьуну, цIусса школа тIивтIунни Шамхал поселокрай. КIулшивурттал кьини школалул коллективгу, дуклаки оьрчIругу барча бан бувкIун бия ДР-лул ХIукуматрал председатель Аьбдулмуслим Аьбдулмуслимов, ДР-лул Халкьуннал Мажлисрал председательнал хъиривчу Камил Давдиев, МахIачкъала шагьрулул мэр Жамбулат Салавов, ДР-лул спортрал министр Сажид Сажидов, ДР-лул кIулшиву дулаврил министрнал...

Сентябрьданул 1-нний Цалчинсса занг рирщунни Дагъусттаннайсса цалчинми классирттавун нанисса оьрчIангу – 48 азара оьрчI республикалий цалчин щябивкIунни партардах. МахIачкъалалив – 17 азарунниха ливчусса. Аьрасатнал федерал СМИ-лул цимилагу кIицI лавгунни школарду ва оьрчIансса багъру цIусса баврил ва бувми гьануцIакул бакьин баврил давриву Дагъусттан хьхьичI ххуттай бушиву. Махъсса шиннардий республикалий бувну бур 41 азара дуклаки оьрчIансса 110...

ЦIуссалакрал райондалийсса Чапаевкаллал 2-мур школалул дуклаки оьрчIру ва учительтал барча буллалисса шадлугърал линейкалий гьуртту хьунни Дагъусттаннал Предпринимательствалул ва инвестициярттал агентствалул каялувчи ХIажимурад Исрапилов. Ва школалий 561 дуклаки оьрчI ур. Цалчинмур классравун лавгун ур 40 оьрчI. ХIажимурад Исрапиловлул, шадлугърайн бавтIцири барча буллай, кIицI лавгунни ва кьини оьрчIан дакъагу, нитти-буттан ва учительтурангу агьамсса кьини душиву, оьрчIаву школалул...

Ларгсса нюжмардий Ккуллал райондалийгу хьунни педагогтурал август зурул совещание. Ларгсса дуккаврил шинал хIасиллу дуллалисса ва цIусса дуккаврил шинал хьхьичI бавцIусса агьамми масъалартту ххал бигьлагьисса. Райондалул бакIчи Шамил Рамазановлул хьхьичIунми ккаккиярттавух кIицI лавгунни Вихьлив уттизаманнул журалийсса ххуйсса школа буваву. Бувсунни Ваччав гьашину мукунма ххуйсса стадион буван хIадур хъанай бушиву. «Райондалийсса 14 школалий ларайсса квалификация дусса 162...

ГьунчIукьатIув Лакрал мюрщи щархъавух ГьунчIукьатIувгу хьунни цIусса дуккаврил шин дайдишаврин, КIулшивурттал кьинилун хас дурсса шадлугърайсса линейка. Вания яла ххарими ва ванищал хIала цаймигу асарду бувхми бия школалул оьрмулувунсса цалчинсса ва сикъавсусса шаттирду ласласисса мюрщулт. Шадлугъ дайдирхьунни Аьрасатнал Федерациялул ттугъ гьаз баврия ва гимн лахъаврия. Вания махъ ГьунчIукьатIрал дянивмур даражалул школалул директор Малик Къушиевлул цалла каялувшиву...