Хасъсса аьралий операция байбивхьуния шихунмай жула инсантурал аьралуннан буллалисса кумаграл хIат-хIисав дакъар. Вай гьантрай ЦIуссалакрал райондалул культуралул идарарттал зузалт гьуртту хьунни патриот сиптардал акциялий.
Ванил лагрулий культуралул идарарттал зузалтрал бунни аьрайн тIайла буккансса хъамул чирахъру. Аьралийтурал окопирттаву ишла буллансса 100 чирахъ тIайла бувккунни ДР-лул Жагьилтурал министерствалул кумаграйхчIин. Культуралул идарарттал зузалтрал дуклаки оьрчIан ккаккан ­бунни хъамул чирахъру буллалисса мастер-класс. ЦIуссалакрал райондалул Культуралул управлениялул, жагьилтурал политикалул, спортрал ва туризмалул хъунама Заур МахIаммадовлул барчаллагь увкунни акциялул гьурттучитурахь.
– ДакI ххари хъанай дур хъинбала-хъиншиву дан ччисса инсантал жула дянив гьарзасса бушиврия. Аьмсса даврил лагма лавгун, аьралийтуран дакIнийхтуну кумаг бан ва чIарав бацIан хIадурну бушиву цал уттигу ккаккан бунни жула инсантурал.
Имара Саидова