Февральданул 21-27-нний Орел шагьрулий хьуссар оьрмулул 14-17 шиннавусса чIава жагьилтурал дянивсса ва 18-21 шиннавусса юниортурал дянивсса каруннай бияврил бяст-ччал. Вайннуй гьуртту хьуссар Аьрасатнал Федерациялул 57 субъектраясса 1000-ннийн бивсса спортсментал. Шикку гьурттушинна дурссар 23 инсанная сакин хьусса Дагъусттаннал цачIундур командалулгу. Дагъусттаннал чIава спортсментураву мусил медаллан лайкь хьунни Сайгид Багилов, Далгат ХIажиаьлиев, чарвитулминнун – МахIаммад Имавов,...
Март зурул 2-нний МахIачкъалалив, Дусшиврул къатраву, хьунни WorldSkills Rossia «Жагьилсса пишакартал» тIисса Региондалул VII-мур чемпионатрал даву къуртал дуллалисса мажлис. Шикку гьуртту хьунни Дагъусттаннал кIулшивуртту дулаврил ва элмулул министр ЯхIия Бучаев, ДР-лул строительствалул министр Артур Сулайманов, туризмалул министр Эмин Мерданов, ДР-лул цифровой развитиялул министр Юрий ХIамзатов, Строительтурал гильдиялул СКФО-лул хъунама директор Запир Акаев ва республикалул ведомствардал...
Вана дуркIун Хъаннил кьини. Вайннул бур жула, арамтурал, оьрму ххуй буллай, мунил гьану бизлай. Ци даврий, чув зий бухьурчагу, цалла даву хъаннил дакIнийхтуну биттур дувай, аьркинмур цила бущилий дачин дувай. Мунияту ттунгу жула буккулт, чан-кьанссавагу, Ккуллал райондалул идарарттай зузисса душвавращал-хъаннищал кIул буван ччан бивкIунни. Пикьаева Рая, Ваччиял почталул зузала На Лаккуйн зун учIайхтува кIул...
КIилчинмур ЦIувкIуллал шяраву, Культуралул къатрал хъунмур Халисат Рамазановал сипталий, хьунни Ватан дуруччултрал кьинилун хас дурсса мероприятие. БатIаврий гьуртту хьунни шяраваллил жямат, дуклаки оьрчIру ва воин -интернационалистътурал ниттихъул. Ва кьини Шамсулов МахIаммадлул ва Дибиров Дибирдул ниттихъал дакIнийн бивчунни арсваврал оьрмулувасса лахIзарду, бувсунни миннал тарихраву кьабивтсса ххуттардия. Дуклаки оьрчIал дурккунни ватандалухасса, вирттаврахасса назмурду, увкунни балайрду, дунни къавтIавуртту....
ЧIяйннал шяраваллил Культуралул къатраву хьунни Ватан дуруччултрал кьинилун хас дурсса шадлугъ. Шадлугъравух гьуртту хъанай бия школалул оьрчIру ва шяраваллил бугьарасса инсантал.Шадлугъ дачин дурну бия культуралул къатрал каялувчи СалихIат Алхасова. Байрандалун хас бувсса ихтилатру бувна Илдаров МахIаммадлул, Жамалуттинов Эльбруслул. Школалул оьрчIал бувккуна шеърирду, дуруна тяхъашивуртту. БувкIми циняв рязину ливчIуна.
Махъсса кIира шинаяр ххисса чIумуй Ккуллал райондалул хъуншяраву Ваччав заправкалий бакъассия газ. Ва нюжмардул дайдихьулийгу бакъая. Вана февраль зурул 24-мур кьини буллан бивкIунни заправкалий газ. Ва, явара, хъунмасса ишну хъанахъиссар. Вай махъсса шиннардий инсантал шарда дукра дуван ишла бувайсса газ ласун Гъумукун занай бивкIссар. На навагу лагайссияв, машина арцух бувгьуну, газ ласун Гъумукун. Утти, инсантурал...
«Маз миллатрал ххазинар». Укунсса цIанилу Ккурккуллал школалий хьунни Ниттил мазрал кьинилун хас дурсса мероприятие. Классрал чIирттайн лархъун дия лакку мазран хас дурсса стендру ва плакатру. Ккаккиялун дирхьуну дия хьхьичIазаманнул кьай-кьуй. ТIиртIуну дия лакрал чичултрал ва шаэртурал луттирдал выставка. ОьрчIругу, учительталгу бия миллатрал яннардаву. Мероприятие дайдирхьуна лакрал гимнрайну. Мажлис тIитIлай, ихтилат бувна ванил сакиншинначи, оьрус мазрал...
Лакрал миллатрал тарихраву ва щала Дагъусттаннал магьирлугърал оьрмулуву агьамсса ва хьхьичIунсса кIану бугьлагьисса хъаннивасса ца бур А. Къапиевлул цIанийсса Лакрал паччахIлугърал драмалул ва музыкалул театрданул каялувчи, Аьрасатнал магьирлугърал лайкь хьусса ишккакку МахIаммадхIажиева Бадрижат Набижул душ. Лакрал театрданий каялувшиву дуллай гьашину там хъанай дур дурусну кьура шин. Ванил каялувшиндаралу Лакрал театр машгьур хьунни щала Ухссавнил Ккавкказнаву,...
Ларгсса нюжмаркьини «Инт» кафелуву Дагъусттаннал Муфтиятрал просвещениялул отделданул хъаннил направлениялул ва «Гьидаят» (АНО ДО «Гьидаят») тIисса Хъаннин кIулшивуртту дуллалисса центрданул уртакьну хIадур бувсса мажлис хьунни. Ва мажлис хас бувну бия МухIаммад-Идавс (с.аь.с) ссавруннайн гьаз хьусса Миъражрал хьхьунин. Гьуртту хъанай бия республикалул районная ва шагьрурдая бувкIсса хъами, кIани-кIанттурдайсса динийсса идарарттал хьхьичIунми. Мажлисрай бунни ялун нанисса ник...
Вай гьантрай Лакрал райондалул администрациялий агьали кьамул бунни ДР-лул Халкьуннал Мажлисрал депутат Марат Илиясовлул. КIулшиву дулаврил управлениялул каялувчи Тамирлан МахIаммадов увкIун ия КIундиннал, ГьунчIукьатIрал ва Хьурттал школарттал директортуращал, 2021-ку шинал хIасул хьусса бурж ххал бивгьуну, 2022-ку шиналсса харж булунсса арцу лякъин кабакьу бува тIий. Вайннах вичIи диширча, ва суал щаллу бан багьлай бур райондалул кIулшиву...
