Дагъусттаннал Миллатрал библиотекалуву хьунни республикалул Туризмалул министерствалул ларгсса шинал дурсса давурттал хIасиллу дуллалисса ва гьашинусса шинал дуван дакIнийсса давурттая бусласисса коллегия. Министр Эмин Мердановлул кIицI лавгунни 2022 шинал туристътал республикалийн бучIаву 43, 7 процентрал гьаз хьушиву, туриндустриялул маэшатрая дучIаймур арулва миллиардраха лирчусса хьушиву, вай, 2021 шин хIисав дурну, 15 процентрал ххишаласса хъанахъишиву. Ванал бувсмунийн бувну,...
[dropcap]Ф[/dropcap]евральданул 15-нний МахIачкъалалив хьунни Дагъусттан Республикалул Культуралул министерствалул коллегиялул заседание. Шикку гьуртту хьунни ДР-лул Халкьуннал Мажлисрал депутат Мурат Пайзуллаев, туризмалул ва халкьуннал художествалул пишардал министр Эмин Мерданов, Культуралул ирс буруччаврил агентствалул каялувчи МахIач Мусаев, Аьрасатнал культуралул зузалтрал профсоюзрал Дагъусттанналмур организациялул председатель Марзижат Буттаева, Культуралул министерствалучIасса Жяматийсса советрал председатель Ссалам Хавчаев, мукунма культуралул идарарттал каялувчитал. Культуралул...
ЦIуссалакрал райондалий мобилизовать бувсса аьралитурал урчIва кулпатрал ишла буллай бивкIсса газрахсса бурж лавхъунни. Вай кулпатирттал ишла бувсса газрах салкьи хьусса 150 азарда къуруш дулун цала бакIрайн лавсунни райондалул администрациялул бакIчи Сулайман Рамазановлул. Ванал тIалавшиннарайн бувну, урчIвагу кулпатрачIан диян дунни газрах багьа буллушиву тасттикь буллалисса квитанцияртту. Цахара дурсса аякьа асар хьусса кулпатирттал дакIнийхтунусса барчаллагь баян бунни...
Вай гьантрай ЦIуссалакрал райондалийсса Чапаево шяравасса тренер-спортсмен Бадави ХIасановлуйн барчаллагь баян бунни лавайсса даражалул спортсментал хIадур баврихлу. Бадави ХIасановлуйн Барчаллагьрал чагъар тапшур бан бувкIун бия МахIачкъала шагьрулул Спортрал, туризмалул ва жагьилтуращалсса даврил управлениялул хъунама Мурад МирзахIажиев. – «Тренер года по СБИ ММА» тIисса спортрал титулданун лайкь шаву – му ттул даврин бишлашисса лавайсса кьиматри. Ттула...
ЦIуссалакрал райондалул кIулшивуртту дулаврил идарарттал жяматийсса суккушиндарал активистътурал ва юнармейцынал чялишсса гьурттушинна дуллай бур Украиннал аьрщарай нанисса хасъсса операциялуву лайкьсса даражалий цала бурж биттур буллалисса аьралитурал цIанийсса акциярттавух. Ва ххуллух ЦIуссачIурттащиял школалул ва ЦIуссалакрал гимназиялул дуклаки оьрчIру гьуртту хьунни «Посылка солдату» ва «Письмо солдату» тIисса акциярттавух. Посылкартту ва чагъарду бивну махъ, операция нанисса зоналий гьуртту...
ЦIуссалакрал райондалул кIулшивуртту дулаврил идарартту гьуртту хьунни «Вирттаврал симан» тIисса патриот проектравух. Ва проектрал мурад бур Буттал КIанттул цIанийсса Хъунмасса дяъвилуву гьуртту хьуну, чувшивуртту ккаккан дурминная, дяъвилул иширттаву гьуртту хьуминная, захIматрал ветерантурая кIулну, тарихрал кьимат буну, патриот зумуну жагьилтал тарбия баву. КIулшивуртту дулаврил идарарттал чIирттайн лахъан дунни Ватандалул тарихраву цIарду яргну кьариртсса, оьрмулул ва захIматрал...
[dropcap]В[/dropcap]ай гьантрай ЦIуссалакрал райондалул бакIчинал бигарду биттур буллалисса Сулайман Рамазановлул каялувшиндарай райондалий газ къабувцуну бивкIсса щархъавусса къатрачIан уква газ буцинсса программалул масъалартту ххал бигьлагьисса совещание хьунни. Шикку гьуртту хьунни райондалул шяраваллал бакIчитал ва газрал отраслирдай зузисса пишакартал. Вайннал ххал диргьунни газ буцаврил программа иширайну зузи даврил тагьар ва райондалул газрал отраслилул даву сантирайн рутаврил масъалартту....
[dropcap]Ф[/dropcap]евраль зурул 10-нний хIасиллу дунни Дагъусттаннал паччахIлугърал педагогикалул университетраву дуклаки оьрчIал дянив хьуну диркIсса оьрус мазрал ва литературалул олимпиадалул. Шикку 9-11-ми классирттал дуклаки оьрчIан ккаккан дурну дия дуккаврил программалувасса чичрулийнусса заданияртту дан. Му бакъассагу, жавабру дулун багьлай бия чичултрал, шаэртурал биографиярттал, литературалул тарихрал хIакъиравусса суаллахьхьун. Олимпиада дия 5 ссятрал мутталийсса. Ваний гьуртту хьунни республикалул шагьрурдайсса...
Ухссавнил Ккавкказуллал округрал национал гвардиялул аьралуннал командующий генерал-полковник Сергей Захаровлул шадлугърал даражалий буллунни Росгвардиялул Аьралий ттугъ МахIачкъалаллал соединениялул командир генерал-майор Дмитрий Чистяковлухьхьун. Мероприятие хьунни МахIачкъалаллал соединениялул базалий. Сергей Захаровлул барча бунни подразделениялул зузалт дакIний личIансса иширащал ва чIа увкунни къуллугърал ххуллий тIайлабацIуртту. – Аьралий ттугъ – му къучагъшиврул ва яхIирал лишанни. Буттал буттахъая шихунмай ттугъ...
Украиннал аьрщарай нанисса хасъсса операциялуву, аьралий бурж биттур буллай, чувшиврий жанну дуллунни миллатрал язи-язими арсурваврал. Миннавасса ца ур ЦIуссалакрал райондалийсса Шушиннал шяравасса Русланнул арс Султанов Муртаза. Ванал жан дуллуну дур оьрмулул 43 шинаву. Муртазал махъ ливчIун бур бугьарасса нину-ппу, кулпат, арс ва душ. Муртазал оьрмугу, цала хасиятрацIун бавкьусса, ихтияр дуруччай органнал зузалал пишалуцIун бавхIусса бивкIун...
