Ухссавнил Ккавкказуллал округрал национал гвардиялул аьралуннал командующий генерал-полковник Сергей Захаровлул шадлугърал даражалий буллунни Росгвардиялул Аьралий ттугъ МахIачкъалаллал соединениялул командир генерал-майор Дмитрий Чистяковлу­хьхьун. Мероприятие хьунни МахIачкъалаллал соединениялул базалий.

Сергей Захаровлул барча бунни подразделениялул зузалт дакIний личIансса иширащал ва чIа увкунни къуллугърал хху­ллий тIайлабацIуртту.
– Аьралий ттугъ – му къучагъшиврул ва яхIирал лишанни. Буттал буттахъая шихунмай ттугъ гьаз бувну ккаккан дуллай бивкIссар аьралитал цала кьянкьашиву, къучагъшиву. Зул подразделениялул авадансса тарих бур. Дур тарихравун дагьсса, никирая никирайн нанисса аьдатру. КIицI лаган ччива, бригадалул аьралитурал лайкьну бартбигьлай бушиву цала къуллугърал буржру, – увкунни ванал.
«Национал гвардиялул аьра­лий ттугъ лайкь баву – му пахру бан бучIисса ишри. Жу уттиния тихунмайгу хIарачат буллантIиссару жуйнна дурсса вихшала лайкь дан», – увкунни Дмитрий Чистяковлул.
Мероприятиялул лагрулий Сергей Захаровлул дуллунни аьралитуран «За заслуги перед Отечеством» 2-мур даражалул ордендалул медаль ва «Участнику специальной военной операции» тIисса ведомствалул медаллу.