[dropcap]Ф[/dropcap]евраль зурул 10-нний хIасиллу дунни Дагъусттаннал паччахIлугърал педагогикалул университетраву дуклаки оьрчIал дянив хьуну диркIсса оьрус мазрал ва литературалул олимпиадалул.
Шикку 9-11-ми классирттал дуклаки оьрчIан ккаккан дурну дия дуккаврил программалувасса чичрулийнусса заданияртту дан. Му бакъассагу, жавабру дулун багьлай бия чичултрал, шаэртурал биографиярттал, литературалул тарихрал хIакъиравусса суаллахьхьун. Олимпиада дия 5 ссятрал мутталийсса.
Ваний гьуртту хьунни республикалул шагьрурдайсса ва районнайсса олимпиадарттай лавайсса баллу лавсъсса дуклаки оьрчIру.
Ва олимпиадалий хьхьичIунсса кIану бувгьунни ЦIуминалийсса ЦIуссалакрал гимназиялул 11-мур классрал дуклаки душ Сапижат Рамазановал.
