Октябрь зурул 1-нния байбивхьуну щалагу Аьрасатнаву най дур ссуттилсса призыв. Аьралуннавун буцлан тIий бур декабрьданул ахирданийнин.
Хасавюрт шагьрулул, Хасавюртуллал ва ЦIуссалакрал районнал аьралий комиссариатрайн букIлай бур жагьилтал цIуллу-сагъшиврул тагьар ххал дан. Призыврал комиссиялуву ур ЦIуссалакрал райондалул бакIчинал хъиривчу Макьсуд ХIамидов, Хасавюрт шагьрулул, Хасавюртуллал ва ЦIуссалакрал районнал аьралий комиссар Абакар Давудов ва м.ц.
Вай гьантрай цала аьралий бурж бартбигьин лавгунни ЦIуссачIурттащиял шяравасса МахIаммад МахIаммадов, Банайюртуллал шяравасса Оздамир Мандриев ва АхIмад Шикьиев.
КIицI лаган, къуллугъ бан бувцусса жагьилтал хасъсса аьралий операция нанисса кIанттурдайн тIайла къабуккайссар. Вай дукIува кунма ца шинай къуллугъ буллантIиссар.
