Декабрьданул 7-нний оьрмулул 60 шин бартлаглай дур ххаллилсса, цалва хIарачатрай дугу-дурккуну, даву дуван кIулшивугу ккаккан бувсса зунтталчу, ГьунчIукьатIатусса Абуссупияннул ва ПатIиматлул арс ХIажимирзаев Зиябуттиннун. 1991-ку шинал Москавуллал Автодорожный институтгу къуртал бувну, Дагъусттаннайн зана хьуну, зий уссия ххуллурду бай идарарттай. ЦIана зий уссар Дагъусттаннал Минтрансрал отделданул начальникну. Зиябуттиннул, цала лагма цаймигу лаган бувну, хъунма­сса захIмат бивхьуссар...

Декабрьданул 1-нний МахIачкъалалив ГъазимахIаммад АхIмадовлул цIанийсса Олимпий резерврал спортшколалул дуллалисса дзюдорал первенствалий 34 килорал кIушиврий цалчинсса кIану бувгьунни СилахIуттиннул арс Хучбар Сулиевлул. ЧIава спортсмен ур Хъусращиял жяматрал дянив бусраврай цала цIарду кьадиртусса, аьпа баннав цал, Аьбдуллагь Сулиевлул, Буниямин Аминовлул ва Залкипри Исяевхъал тухумраясса. Хучбар дуклай ур С.М. Оьмаровлул цIанийсса МахIач­къалаллал 1-мур гимназиялий 3-мур классраву. Оьрмулул...

МахIачкъалалив шагьрулул пляжрай тIивтIунни хъун ба­къасса цIусса мизит. Ца зивулийсса исвагьисса мизит 50 инсан чаклийн лагайсса бур. Хъаннин личIисса къаттагу, хьулугу бур. Ва мизитрал хIакъираву укун бувсунни мизит тIитIавриха чялишну зий ивкIсса АхIмадлул арс Багьауттин Рабадановлул. – Жул вотсап группа бу­ссар – 70-80 адамина, 30- нниха ливчусса хъами бусса. Цукунсса гьава бухьурчагу, гьарца кьини хьхьирийн...

Ноябрьданул 30-нний ДР-лул бакIчи Сергей Меликовлул каялувшиврий хьунни ДР-лул БакIчиначIасса АПК-лул Советрал заседание. Муний бивщунни ва бутIуву шинал мутталий дурсса давурттансса кьимат, ккаккан бунни ялун нанисса чIумал дузал буван аьркинсса масъалартту ва ххал бивгьунни захIматсса масъалартту бартбигьинсса ххуллурду. Заседаниялий гьуртту хьуминнавух бия АьФ-лул Шяраваллил хозяйствалул министрнал хъиривмур Ксения Шевелкина. Республикалул бакIчинал тIимунийну, Агропромышленностьрал комплексрал хъунмасса...

  Балики ттуйн Хъап учирча Нач дакъасса БивкIулул, Къадулунна На ттула дакI, ТтаркIру дакъа, Мунихьхьун. На ттула дакI Кьаританна ВирттаврачIа Гьурттуну, Абадлийсса, Чанна лавхъсса Оьрмулуву Илкинну. Харж буванна На ттула гуж ЦIу оьрмулул Савлугъран, Тархъан хьусса, ТалихIрайсса Циняв ттула Дустуран. Сулайман Стальский БакIлахъия Ранг парчри лавххун вацIри бур, Ссутнил чIикIлилу зунтту бур. Наврузбагну гьарайзу ур,...

МахIачкъала шагьрулул 49-мур школалий хьунни хасъсса аьралий операциялул гьурттучитуращалсса ва ветерантуращалсса хьунабакьаву. Мероприятиялул сиптачи ва сакиншинначи хьунни Дагъус­ттаннал панкратиондалул цачIун дур командалул хъунама тренер, шагьрулул 49-мур школалул директор Аьбдулкарим Айгунов. Дуклаки оьрчIащал хьунабакьин оьвкуну бия аьралий операциялий къучагъну жан дуллусса Аьрасатнал Виричу НурмахIаммад ХIажимахIаммадовлул ппу Энгельс ХIажимахIаммадовлуйн, аьралитуран чялишну гуманитар кумаг буллалисса Къизлар шагьрулул Мажлисрал...

МахIаммад Кьурама­хIам­мадовлул каялувшиндаралусса «Солидарность и свобода» тIисса жяматийсса советрая жула халкьуннан нукIува кIулссар. Хъиннува ххуйну кIулссар вай хасъсса аьралий операциялий Ватандалул цIаний талатисса аьралитурангу. Циксса тоннарду гуманитар кумаграл диян дурссар вайннал хасъсса операция байбивхьуния шинмай хьхьичI хху­ттай бавцIусса аьралитурачIан. Советрал хъунаманал хъиривмур полициялул майор Ума Аскерхановал цIа тIурча, бусалдаравун дагьну дур. Жагьилсса оьрмулувусса, илтIа-кIюласса душнил...

«Защитники Отечества» тIисса фондрал филиалданул социал координатор Оьмар Оьмаев ва ЦIуссалакрал райондалул бакIчинал хъиривчу Макьсуд ХIамидов бивунни хасъсса аьралий операциялий жанну дуллусса вирттаврал кулпатирттачIан. Аьралитурал нитти-буттал ххарину кьамул бунни хъамал. Оьмар Оьмаевлул цIухху-бусу бунни вайннахь ичIаллил масъа­ларттая, хьунадакьлакьисса захIматшивурттая. Цинявппагу нитти-буттан кумаг бан багьлагьисса масъалартту хIисавравун лавсунни, ми щаллу бан кумаг баву мурадрай. Андриана Аьбдуллаева

Дагъусттаннал аграрийтурал гьан дунни хасъсса аьралий операция нанисса кIанттурдайн 35 тонна гуманитар кумаграл. Акциялуву гьурттушинна дунни ЦIуссалакрал райондалул шяраваллил хозяйствартталгу. Аьралитурансса кумаграхлу вайннахь барчаллагь увкунни Дагъусттаннал бакIчи Сергей Меликовлул, ХIукуматрал председатель Аьбдулмуслим Аьбдулмуслимовлул. МахIачкъалаллал мэр Юсуп Умавовлул ва шяраваллил хозяйствалул министр Мухтарбий Аджековлул тIайла бувккунни гуманитар кумагращал аьрххилий нанисса МЧС-рал ва Шяраваллил хозяйствалул министерствалул зузалт....

Дагъусттаннал Миллатрал политикалул ва диндалул иширттал министерствалул отделданул зузалт Хасайбат Валиева, Зайдат ХIажикаримова, Мурад Набиев вай гьантрай бивунни ЦIуссалакрал райондалийсса Гьамиящиял шяравусса «Мусил кIула» садикрайн, Палестиннава бувкIсса мюрщи оьрчIачIан. Вайннащал бия ЦIуссалакрал райондалул КIулшивуртту дулаврил управлениялул зузала Мисиду Шагьмандарова ва «Амин» тIисса граждан общество хьхьичIуннай даврил ДРОО-лул пишакар Муъминат Кьадиева. «Мусил кIула» тIисса оьрчIал багъ...