МахIачкъала шагьрулул 49-мур школалий хьунни хасъсса аьралий операциялул гьурттучитуращалсса ва ветерантуращалсса хьунабакьаву. Мероприятиялул сиптачи ва сакиншинначи хьунни Дагъусттаннал панкратиондалул цачIун дур командалул хъунама тренер, шагьрулул 49-мур школалул директор Аьбдулкарим Айгунов.
Дуклаки оьрчIащал хьунабакьин оьвкуну бия аьралий операциялий къучагъну жан дуллусса Аьрасатнал Виричу НурмахIаммад ХIажимахIаммадовлул ппу Энгельс ХIажимахIаммадовлуйн, аьралитуран чялишну гуманитар кумаг буллалисса Къизлар шагьрулул Мажлисрал депутат МахIаммад Халидовлуйн.
Ватандалул мурадру бартбигьлагьисса аьралитурал къучагъшивурттая бувсунни СВО-лул гьурттучитурал – Зайнал Жумакаевлул, Айгун Ногаевлул, Рустам Рамазановлул.
Дуклаки оьрчIащал хьунабакьин бувкIсса шамагу аьраличу, хасъсса аьралий операциялий захIматсса щавурду дирну бивкIун бур. Амма, яхI лавайсса аьралитал, чансса бази лавгун махъ, цала гьалмахтурачIан зана хьунсса пикрилий бур. Вай цивппагу аьралий иширттаву къучагъшивуртту ккаккан даврихлу лайкь хьуну бур паччахIлугърал наградарттан.
Дуклаки оьрчIащал хьунабакьин оьвкуну бия аьралий операциялий къучагъну жан дуллусса Аьрасатнал Виричу НурмахIаммад ХIажимахIаммадовлул ппу Энгельс ХIажимахIаммадовлуйн, аьралитуран чялишну гуманитар кумаг буллалисса Къизлар шагьрулул Мажлисрал депутат МахIаммад Халидовлуйн.
– Дуклаки оьрчIру гъирарай хьунабавкьунни аьралитуращал. Вайннал чIявусса суаллу буллунни СВО-лул гьурттучитурахьхьун. Хъамаллурал дуклаки оьрчIан бунни мюнпатсса насихIатру.
— Ттул пикрилий, школардай укунсса хьунабакьавуртту ччя-ччяни дуллан аьркинни. Республикалул бакIчи Сергей Меликовлущалсса хьунабакьаврийгу кIицI лавгунни оьрчIру патриот зумуну тарбия буллансса мероприятияртту школардай дуллан аьркиншиву, – увкунни директорнал.
Имара Саидова
