Декабрьданул 7-нний оьрмулул 60 шин бартлаглай дур ххаллилсса, цалва хIарачатрай дугу-дурккуну, даву дуван кIулшивугу ккаккан бувсса зунтталчу, ГьунчIукьатIатусса Абуссупияннул ва ПатIиматлул арс ХIажимирзаев Зиябуттиннун.
1991-ку шинал Москавуллал Автодорожный институтгу къуртал бувну, Дагъусттаннайн зана хьуну, зий уссия ххуллурду бай идарарттай. ЦIана зий уссар Дагъусттаннал Минтрансрал отделданул начальникну.
Зиябуттиннул, цала лагма цаймигу лаган бувну, хъунмасса захIмат бивхьуссар шяраваллил чIалачIин ххуй давриву. Ванал кумаграйну бувссар ГьунчIукьатIув шагьраххуллу. Цала биялсса харжгу буккан бувну, цIу дуккан дурссар «Унчукатль» мемориал. ЧIярусса цаймигу давуртту дурссар шяраваллин аьркинсса.
ХIурмат бусса Зиябуттин! Жу цинявппагу, ина ххирами, дакIнийхтуну барча дуллай буру вил юбилей. Ина вила дакIнил мурадирттайн иян аннав Аллагьнал. Оьрмулул уччиннин итаннав вила Валидащал, оьрчIая неъмат ккакканнав!
ГьунчIукьатIрал жяматрал
чулуха
ХIажибутта ХIусайнов
Жул бюхттул
зунттал лачин
Зиябуттин ХIажимирзаевлун
Лачиндалул кюру бай
КIай яла лахъми ххяллай.
Жул Зиябуттиннул дай
Ликказан кIяла зунчай!
Оьрмулул даралувух
ХIакьмур ххуллу бувгьуну,
Бюхттул зунттал мицIавун
ЯхIлил ссапар бавхIунни!
Къабувтссар тачIав щилчIав
Вил базурдавун ццахгу.
КъалавхIуссара чувчIав
Ина зурданул хьхьичIгу.
Мудан цIакьну ябувссар
Ина буттахъал намус.
Илданун ччан хьуссара,
Иман ххисса уну тIий.
КьурбанпатIимат Штанчаева
25.11.2024ш. ш.Баку
