Июнь зурул 11-нний, ялун нанисса ххуллункьини, Гъумук, Культуралул къатраву, ссят 13:00 хьуну Дагъусттаннал Муфтиятрал просвещениялул хъаннилмур отделданул сипталийну хьунтIиссар республикалул хъаннил мажлис. Авадансса программа дуссар: вяъзарду, нашидру, викторинарду. Жу оьвтIий буру лакрал хъаннийн, ва мажлис чIюлу буван бухьхьияра тIий. ЦIуххинсса бухьурча, оьвчара ва номерданий: 8-928-545-24-90.
«Дагестан» РИА-лий хьунни ДР-лул цIуллу-сагъшиву дуруччаврил министр Татьяна Беляеващалсса ва республикалул хъунама санитар хIакин Николай Павловлущалсса пресс-конференция. Муний ххал бивгьунни цIуллу-сагъшиву дуруччаврил хьхьичIунсса буруккинтту, ва коронавирусрал цIуцIаву хьхьара шаврийн бувну, маскардал режим дукьан даврийн багьайсса суаллу. «КIицI бан багьлай бур, 15 нюжмардул лахъишиврий жу сияхIрайн ласарду тасттикь хьусса коронавирусрал къашавайми азарханардай чан хьуну бушиву. Ца...
Ларгсса бигьалагай кьини МахIачкъалалив хьунни Сиражуттин Илиясовлул завалунсса чIиви футболданул арилчинсса «Лакку улклул Кубокрал» финал. Гьашинусса Кубокрай гьуртту хьунни Лакрал, Ккуллал, ЦIуссалакрал, Рутуллал ва Ахъушиял районнаясса, 43 лакрал шяраватусса, 36 команда. ДачIифиналданул матчрай Хъусращиял команда ххув хьунни Хъурхърал шяраватусса муттаэтураяр (3:2). КIилчинмур чутлий Ххутрал команда ххув хьунни ЦIуссачIурттащиял командалуяр (3:0). Турнирданул финалданий ччалли дурккунни Хъусращиял...
Вай гьантрай Аьрасатнал хъуншагьрулия бувкIунни ххарисса хавар, жула лакрал ва Дагъусттаннал ххаллилсса вакил, Ибрагьимлул арс Сяъдуллагь Абакаров Аьрасатнал Элмурдал академиялул член-корреспондентну кьамул увну ур тIисса. Медициналул элмурдал доктор, профессор, АьФ-лул лайкь хьусса хIакин, АьФ-лул ПаччахIлугърал премиялул лауреат Сяъдуллагь Абакаров увну ур 1953-ку шинал Арманинаву, ппу хIалтIилухун лавгун ивкIсса чIумал. Ванал ппу Ибрагьим Чараватусса ур, нину...
Июньдалул 6-нний Дагъусттаннал БакIчи Сергей Меликовлул дунни, кьатIаллил ишругу хIисавравун лавсун, Дагъусттаннал экономика сивсуну лядуккаврил Оператив штабрал батIаву. Республикалул каялувчинал властьрал органнал бакIчитуран уттигу цал дакIнийн бувтунни аьркинну бушиву цила чIумал ва мюнпатну бартбигьлан бюджет. Мунал мукунма бувсунни ляличIину къулагъас дуван аьркиншиву национал проектру бартдигьаврих ва госзакупкартту чаннайн дуккан дурну дуллалаврих. Ххал диргьунни цамургу агьамсса...
Вай гьантрай оьрмулул 80 шин хьунни Хасавюртливгу, ЦIуссалакрал райондалийгу цIа машгьурсса, бусравсса, ТтурчIиял шяраватусса Аминнул арс, Закаров МахIаммадлун. Щалагу жяматрал ва цинявппагу вил кьадру-кьимат буминнал цIанияту барча дуллай буру ххаллилсса чувнал ххаллилсса юбилей. ЧIа тIий буру цIакьсса цIуллушиву ва цIу-цIусса ххуй-хъиншивуртту. ТачIаввагу чан къахьуннав вин вила чумартсса ва чувшиву ххисса дакIнин лавхьхьусса кьисмат! Хъинсса бияннав...
АхIмадлул арс ХIусманов Халидлул ва зурул 2-нний кIицI ларгунни 85 шинал юбилей. Юбилей цума-цанналгу оьрмулуву дурмунил кьимат бишлашисса, гихуннай дантIимуниягу пикрирду бувайсса чIун дур. Ванал оьрмулул ва захIматрал ххуллурду ххал буллан бивкIукун, ца гьантта хьуну бакъар оьнма гьан бувсса, кIулшивурттал хъирив къаагьсса. Увну ур Халид 1937-кусса шинал Ккуллал шяраву, хъинну бусравсса, ххюва оьрчI бусса кулпатраву....
Дагъусттаннал паччахIлугърал медицинский университетраву хьунни лавайми курсирдал студентътурансса ва ординатурардаву дуклакиминнансса вакансиярттал ярмарка. ЦIуллу-сагъшиву дуруччаврил министр Татьяна Беляевал бувсунни «Земский доктор» программалуву хьусса цIушиннардая. Гьашину ва программалийхчил шяраваллавун зун тIайла уккан тIий ур 150 хIакин. «Земский доктор» программалийхчил цала регионнай зун ДГМУ-лул выпускниктурайн ва ординатортурайн оьвкунни ярмаркалий гьуртту хьун бувкIсса Новгородский областьрал цIуллу-сагъшиву дуруччаврил министр...
Вай гьантрай Дагъусттаннай хIасиллу дунни мушакъатшиву дусса оьрчIал дянив най бивкIсса «Абилимпикс» тIисса пишардал усттаршиву ккаккан даврил чемпионатрал. Шикку гьуртту хьунни цIуллушиврул ссуссукьушиву дусса 150-хъул жагьилсса пишакар. Пишалул усттаршиву ккаккан дуллалисса 22 журалул бяст-ччаллу хьунни МахIачкъалаливсса ва Хасавюртливсса кIулшивуртту дулаврил идарарттай. Ва ххуллухсса бяст-ччаллаву личIи унни 81 призер: 27-ннал бувгьунни цалчинсса кIанттурду, 30-ннал – кIилчинсса...
Май зурул 31-нний МахIачкъалалив Оьруснал театрдануву хьунни Дагъусттаннал халкьуннал шаэр Фазу Аьлиеван 90 шин шаврин хас бувсса литературалул мажлис – «Ччаврил ва дакьаврил чIу» тIисса цIанилу. Ванил сиптачитал бия Республикалул Муфтиятрал биялдарайсса идарартту: Дагъусттаннал гуманитар институт, Гуманитар-педагогикалул колледж, Башларовлул цIанийсса медициналул колледж, Юсуповлул школа, школа «Ватан» ва Хъаннил центр «Гьидаят». Гьуртту хьунни национал политикалул ва...
