ЦIуссалакрал райондалийгу ноябрь зурул 1-нний дайдирхьунни ссуттилсса призыврал кампаниялул даву. Гьарица шинах нанисса призыврал кампаниялул даврил лагрулий, аьралуннаву къуллугъ буллан буцлай бур 18-ннива 27 шинавун бияннинсса жагьилтал. Шиккува кIицI лаган, аьралуннаву къуллугъ баврия махъун бутансса ихтияр дуссар очныйну дуклакисса студентътурахь, кIива ягу шанма оьрчIру бусса буттахъахь, оьрмулул бугьара-сса, буругансса бакъа ливчIсса инсантурах буруглагиминнахь, IT- пишакартурахь...
Украиннавусса хасъсса аьралий операциялуву къучагъшиврий жан дулун кьисмат хьусса лакрал жагьилтуравасса ца ур ЦIуликъяннал шяравасса МахIаммадлул арс Алик МахIаммадов. Октябрь зуруй ванан хьунтIиссия 30 шин. ХIайп, оьрмулул аргъираву дунияллия лавгунни. Увну ур Алик 1992-ку шинал октябрь зурул 11-нний Саратоврай. Хъуна хьуну ур тийхва. Аликлул ппу МахIаммад ЦIуликъяннал шяравасса ур, нину Галина оьрус миллатрал инсан бур....
Кусаевхъал кулпатраву тIурча, хьунни цал архIал кIира ххаришиву – Украиннавусса хасъсса аьралий операциялия ичIунмай отпускрай зана хьунни кIия уссу – МахIаммад ва Руслан Кусаевхъул. Украиннавусса хасъсса аьралий операция байбивхьусса гьантрайва кIиягу уссу уссия Донбасс нацистътурая буручлай. Шиккусса талатавриву ца уссийн щаву дирну, вама талайна уссия. Аьралий бурж биттур буллалисса хIаллай вайннал ккаккан дунни зунттал вирттаврал...
Цалчинсса хьунабакьаву Лакрал театрданущалсса ттул цалчинсса хьунабакьаву хьуссар Гъумук, архсса 1959-ку шинал. Ва цурдагу дия Москавлив хьунтIисса Дагъусттаннал Декадалул хьхьичIсса чIун. ЦIана кунма дакIний бур жува (жу – на, ттул кулпат Валида, Москавуллал областьрал театрданул режиссер Василий Познанский ва Расул ХIамзатов) театрданул бухсса автобусрай Гъумукун най бивкIсса куц. Жул аьрххилул мурад бия «ПартIу ПатIима» спектакль,...
Ларгсса нюжмардий МахIачкъала шагьрулул музейраву Дагъусттаннал хъуншагьрулул 165 шинал юбилейран хасну хьунни «МахIачкъала. 1948 ш.» тIисса выставка тIитIлатIисса шадлугъ. Шикку гьурттушинна дурунни ДР-лул культуралул министрнал хъиривчу Мурад ХIажиевлул, МахIачкъалаллал бакIчинал хъиривчу Эмилия Раджабовал, Дагъусттаннал изобразительный искусствардал музейрал хъунмур СалихIат ХIамзатовал, ДР-лул паччахIлугърал архиврал хъунмур Ольга Бекаевал ва цайминнал. Выставкалий тамашалун дирхьуну дия ларгмур ттуршукулул 1948-ку шинал...
Мурхьру жува бугьару интту ва ссуттил. Вай кIирагу чIумул мурхьру бугьаврил дур цилла хъин-къахъиншивуртту. Ссуттил мурхьру жучIава, кьиблалий, гьава гъилиний, къабувгьунаща вания тийнмайгу бугьан бюхълай бур. Вай бугьаншиврул ляличIисса кIулшивуртту къааьркиннугу, жура къулагъас дуван аьркинсса цаппарасса кIанттурду бур. * * * Лахъ шайсса мурхьру (20 метралийн бияннин) къатрачIату 30-35 метралул, лагьми (6 метралийн бияннинсса) 4-5...
Пиш- пиш тIийнасса, аьчухсса, гьарнащал хIал бавкьусса, хъиншиврул ва инсаншиврул бутIа биялну буллусса Юрий Иванов 11 зиву дусса Дагъусттаннал издательствалул комплексраву зузиминнан цинявннан ххуйну кIулссар ва ххирассар. Юра хушрай лавгссар хасъсса аьралий операциялуву гьуртту хьун Украиннавун тIий бавукун, жу цал учин махъ бакъа ливчIунну. Юра дяъвилул инсан акъая. Пикри бувкуннив, Юра ия иш багьний, цала...
МахIачкъалаллал аэропорт хьунни «ЗахIматрал лябукку» («Производительность труда») тIисса нацпроектрал цIусса гьурттучи. Ноябрьданул 9-нний аэропортрай хьунни Компетенциярттал федерал центрданул (ФЦК) ва ДР-лул Минэкономразвитиялул вакилталгу гьурттусса батIаву. Нацпроектрал мероприятияртту бартдигьаврийну бюхъантIий бур букьан буван мюнпат бакъасса производствалул ишру ва гьарза дуван дучIия. ХьхьичI бивхьусса масъалартту дузал буваншиврул ФЦК-лул дувантIий дур аэропортрал циняв хасъсса къуллугъирттал давурттал анализ ва...
Зиябуттиннул арс ХIажимирзаев Асадуллагь Вай гьантрай оьрмулул 88 шинаву аьпалухьхьун лавгунни ГьунчIукьатIрал шяравасса бусравсса хъуначу, захIматрал ветеран, Зиябуттиннул арс ХIажимирзаев Асадуллагь. Асадуллагь увссар 1934-ку шинал ноябрьданул 12-нний. Ванал щала оьрму машиналул рульданух лавгссар. 1954-ку шинал армиялийн увцуну, щупирнал пишагу лавхьхьуну, Балтикалул флотрай машиналий зий ивк1ссар 4 шинай, цала аьралий бурж лахъанцIа. Кулпатгу бувну, яла 10...
Ноябрь зурул 12-нний Москавуллал миллатирттал къатлуву хьунни Лакрал байран. Унгу-унгунусса цурдагу. БувкIцириннан лакрал багьу-бизу, тарихрал лахIзарду, аьдатру, лаххия, гьаннайсса, фольклор ва культура ккаккан дурсса. Ва даврил сиптачину дия Москавливсса лакрал жагьилтурал ккуран (ММОЛ «Лакия»). 2015-ку шинал хIасул дурсса ва ккурандалий каялувшиву дуллалисса Жамалуттин Оьмаровлул, бавтIцири барча буллай, кутIану бувсуна ккурандалул дурцири давурттая ва гьануми мурадирттая....
