АхIмадлул арс ХIусманов Халидлул ва зурул 2-нний кIицI ларгунни 85 шинал юбилей. Юбилей цума-цанналгу оьрмулуву дурмунил кьимат бишлашисса, гихуннай дантIимуниягу пикрирду бувайсса чIун дур. Ванал оьрмулул ва захIматрал ххуллурду ххал буллан бивкIукун, ца гьантта хьуну бакъар оьнма гьан бувсса, кIулшивурттал хъирив къаагьсса. Увну ур Халид 1937-кусса шинал Ккуллал шяраву, хъинну бусравсса, ххюва оьрчI бусса кулпатраву....
Дагъусттаннал паччахIлугърал медицинский университетраву хьунни лавайми курсирдал студентътурансса ва ординатурардаву дуклакиминнансса вакансиярттал ярмарка. ЦIуллу-сагъшиву дуруччаврил министр Татьяна Беляевал бувсунни «Земский доктор» программалуву хьусса цIушиннардая. Гьашину ва программалийхчил шяраваллавун зун тIайла уккан тIий ур 150 хIакин. «Земский доктор» программалийхчил цала регионнай зун ДГМУ-лул выпускниктурайн ва ординатортурайн оьвкунни ярмаркалий гьуртту хьун бувкIсса Новгородский областьрал цIуллу-сагъшиву дуруччаврил министр...
Вай гьантрай Дагъусттаннай хIасиллу дунни мушакъатшиву дусса оьрчIал дянив най бивкIсса «Абилимпикс» тIисса пишардал усттаршиву ккаккан даврил чемпионатрал. Шикку гьуртту хьунни цIуллушиврул ссуссукьушиву дусса 150-хъул жагьилсса пишакар. Пишалул усттаршиву ккаккан дуллалисса 22 журалул бяст-ччаллу хьунни МахIачкъалаливсса ва Хасавюртливсса кIулшивуртту дулаврил идарарттай. Ва ххуллухсса бяст-ччаллаву личIи унни 81 призер: 27-ннал бувгьунни цалчинсса кIанттурду, 30-ннал – кIилчинсса...
Май зурул 31-нний МахIачкъалалив Оьруснал театрдануву хьунни Дагъусттаннал халкьуннал шаэр Фазу Аьлиеван 90 шин шаврин хас бувсса литературалул мажлис – «Ччаврил ва дакьаврил чIу» тIисса цIанилу. Ванил сиптачитал бия Республикалул Муфтиятрал биялдарайсса идарартту: Дагъусттаннал гуманитар институт, Гуманитар-педагогикалул колледж, Башларовлул цIанийсса медициналул колледж, Юсуповлул школа, школа «Ватан» ва Хъаннил центр «Гьидаят». Гьуртту хьунни национал политикалул ва...
Май зурул 26-нний Расул ХIамзатовлул цIанийсса Национал библиотекалуву хьунни Дагъусттаннал паччахIлугърал политикалул ва жяматийсса ишккакку, аьлимчу, чичу, публицист ХIавинахъал Саэдлун 140 шин шаврин хас бувсса мажлис. Мажлис бачин бувнугу ия МахIачкъала шагьрулул бакIчинал кумагчи Шалласу Шалласуев. Мажлисрал дайдихьу дуллалисса махъ лахълай, ванал бувсуна, цIанихсса революционер ва гьунар бусса шаэр, публицист, таржумачи, аьлимчу ушиврицIун, ХIавинахъал Саэд...
Аьрасатнал Цифралул министерствалул комитетрал Аьрасатнал регионнал властирдащал цачIуну дайдирхьунни Хъун дяъвилул ветерантал уква буцлансса «Наша Победа» т1исса программа. Акциялул лагрулий ветерантураща уквасса таксирду ишла буллан бюхъантIиссар 2022-ку шинал ахирданийн бияннин. Уквасса таксирду тIалав буллантIиссар «Яндекс. Такси» сервисрайхчIин. Ветерантуращал архIал таксирдай занан ихтияр дуссар миннал мачча-гъанминнахь. Уквасса такси ишла бан бюхъайссар: Буттал КIанттул цIанийсса Хъун дяъвилул...
ДР-лул захIматрал ва социал хьхьичIунмайшиврул министр АьвдурахIман МахIмудовлул балжину бувсунни ва бувчIин бавуртту дунни оьрчIру бусса кулпатирттансса хIаллихшиннардая. 2020-ку шиная шийнмай ххишала хьуну дур ахIвал-хIал кIюласса кулпатирттансса выплатартту: лякьлуву оьрчI хьусса, ччясса мутталий учетрай бавцIусса ниттихъансса, цIуну бувсса оьрчIан гьарца зуруй булун ккаккан бувсса, оьрчIан шин ва дачIи хьуннин булун ккаккан бувсса, цалчинсса ва кIилчинсса...
Май зурул 27-нний МахIачкъалалив, Поэзиялул театрдануву, хьунни уттигъанну дунияллия лавгсса Дагъусттаннал халкьуннал шаэр Сибирбаг Кьасумов дакIнийн утлатисса ва ванал цIусса «Ттул оьрмулул даптар» тIисса луттирал презентация хIисаврайсса литературалул мажлис. Жуж сакин бувну бур авторнал уттинин чивчусса произведениярттава язи бувгьуминнуя. Итабавкьуну бур Сибирбаглун 75 шин шаврил савлугъран. Ххаллилсса дуснал, цIанихсса шяравучунал Жабир Абакаровлул спонсоршиву дурну дунияллийн...
Майрал 28-нний Каспийскалий – Каспийскаллал флотилиялул штаб-шагьрулул хъун майданнив, хьунни «Zа ВМФ!» цIанилусса патриот зумунусса турданул лагрулийсса концерт. Ва журалул концертру хьуссар Аьрасатнал цинявппагу флотирттай – шанма хьхьири ва кIива океан – Президентнал Культуралул сиптардал Фондрал кабакьаврийну. Каспийскалиймур шадлугъ хьунни ДР-лул БакIчи Сергей Меликовлул кабакьаврийну. Концертрайн бавтIсса чIявусса тамашачитурал хьхьичIун сахIналийн бувккуна Аьрасатнал лайкь хьусса...
Вай гьантрай Дагъусттаннал КIулшивуртту дулаврил центрданий хьунни «Знатоки правил дорожного движения» тIисса чIава инспектортурал кьюкьрал дянивсса республикалул соревнованияртту. Вай даврил агьаммур мурадну бия оьрчIан машинарттал ххуллурдайсса низам лахьхьин даву ва ххуллурдай оьрчIру хIаласса апатIру чан шаву. Гьуртту хьунни республикалул шагьрурдая ва районнаясса 20 команда, миннувух – ЦIуссалакрал райондалул ЦIуссаккуллал 2-мур школалул дуклаки оьрчIругу. Дагъусттаннал МВД-лул...
