Август зурул 21-нний ЦIуминалийсса ЦIуссалакрал Аьхъардал школалий хьунни Авиациялул кьинилун хасъсса шадлугърал мажлисру. Аьхъардал школалун дирзунни Буттал кIанттул цIанийсса Хъун дяъвилий къучагъну талай ивкIсса, авиациялул майор ХIажинал арс Султан Мусаевлул цIа. Райондалул жяматгу лагма лаган бувну, чIявусса хъамаллурайнгу оьвкуну, шадлугърал даражалий школалул къатрал чIирай ларчIунни Султан Мусаевлул аьпа абад буллалисса мармарчарил ула. Школалул къатрал чIарах...
Лакрал райондалул администрациялий хьунни кIулшиву дулаврил зузалтрал аьдатравун дагьсса Август зурул совещание. Муний гьуртту хьунни райондалул бакIчи Юсуп МахIаммадов, ДР-лул кIулшиву дулаврил ва элмулул Министерствалул вакилтал. Юсуп МахIаммадовлул кIицI лавгунни кIулшиву дулаврил агьамми суаллу. «КIулшиву дулаву – му дур хъинну агьамсса ва аьркинсса ара. Мунил тагьаргу дагьлай дур так ца педагогтурайн ва дуклаки оьрчIайн дакъасса,...
Аьрасатнал ПаччахIлугърал ттугълил кьинилун хасну ЦIуссалакрал райондалий аьдатравун багьну бур триколор-ленточкарду бачIлачIисса патриот зумувнусса акцияртту дуллалаву. Августрал 22-нний, Аьрасатнал Ттугълил байрандалул кьини волонтертурал ЦIуссалакрал райондалий бавчIунни 200-нийн бивсса ленточкарду. Райондалул жяматрахь волонтертурал бувсунни байрандалул тарихрая ва Аьрасатнал ттугълия. Акциялул сакиншинначи, ЦIуссалакрал райондалул Культуралул управлениялул хъунаманал хъиривчу Заур МахIаммадовлул кIицI лавгунни, жагьилтурал дянив дачин дуллан аьркиншиву...
Августрал 23-нний ДР-лул шяраваллил хозяйствалул министр Мухтарбий Аджековлул пресс-конференциялий бувсунни Шяраваллил хозяйствалул министерствалул давурттал хIакъираву. Министрнал тIимунийну, гьашину 6 зурул мутталий республикалул шяраваллил хозяйствалул аралуву хьун дурну дур 96 процентрал хъинсса хIасиллу. –КIанттул хъузалтраща бюхълай бур ххуйсса бакIлахъиярттугу ларсун, ми машайгу дуккан дуван, мунийну щаллу буван республикалул бюджет. КIанттул дукиялул сурсатру дахлай бур билаятрал кьатIувгу,...
Август зурул 22-нний Дагъусттаннал ХIукуматрал председатель Аьбдулмуслим Аьбдулмуслимов гьуртту хьунни «Кавказ» тIисса VII-мур Аьрасатнал Интернет-форумрал давривух. Форумрал даву дайдишин хьхьичI, премьер-министрнал ххал диргьунни Аьрасатнал компаниярттал IT-технологиярттал ахттаршиннардал выставка. Премьер-министрнал кIицI лавгунни «Цифровая трансформация на основе безопасных отечественных решений» тIисса форумрал темалул агьамшиву. – ХIакьинусса кьини яла цIурувкьюми бур импортозамещениялул ва информациялул мюхчаншиву дуруччаврил, инсантурал оьрмулувун...
Август зурул 20-нний, ххуллункьини, Карашрал Жяматрал советрал инициативалий хьунни шяраваллил агьалинал агьамсса масъалартту ххал бигьлагьисса батIаву. Микку ца яла хьхьичIун лавсмур масъалану бия Карашрал шяраваллил тарихийсса объектну хъанахъисса, чIярусса шиннардий К. Маркслул цIанийсса колхозрал конторанугу, культуралул къаттанугу, цайми-цаймигу социал къуллугъирттал кIанттунугу диркIсса здание ччясса чIумул мутталий ххассал дансса чаран къалякъирча, эяллай дацIан най душиврул масъала....
АхIмад-хан Султаннул цIанийсса МахIачкъалаллал аэропортрая тталат ва алхIаткьинирдай лехлай дайдишинтIиссар Челябинскалийнсса самолетру. Челябинскалийнсса рейсру дуллантIиссар Red Wings авиакомпаниялул самолетирттай. Тталаткьинирдай МахIачкъалаллал аэропортрая самолетру лехлантIиссар хьхьунил 22:30 минутраву. Челябинскалийн самолетру диллантIиссар хьхьунил 03:45 ссятраву. Челябинскалия махъуннай МахIачкъалалийнсса самолетру лехлантIиссар кIюрххил ссят 08:10 минутраву ва МахIачкъалалийн самолетру диллантIиссар ссят 09:30 минутраву. АлхIаткьинирдай МахIачкъалалия Челябинскалийнсса самолетру лехлантIиссар хьхьунил...
Сентябрь зурул цалчинмур кьини. Ва кьинилия байбихьлай бур кIулшиврул билаятрайнсса оьрчIал ххуллу. Барча, оьрчIрув, зул цIусса дуккаврил шин! Гьарца чулуха тIайлабацIусса шин хьуннав, ххуйсса кьиматру зучIату хIура къахьуннав, гъутI-гъутI бивкIсса ххювардащал дуккаврил шин къуртал дувансса тIайлабацIугу, цIуллушивугу гьарманан. «ЧIимучIали» ЦIуллушиврул азбука Ххирасса оьрчIрув! Зу къулагъас дурхьунссархха жу «ЧIимучIалттул» хъаттирдай цIусса «ЦIуллушиврул азбука» тIисса рубрика нани бувну...
Каспийск шагьрулий 1-мур ЦIувкIратусса КьурбанмахIаммадовхъал агьлу къакIулсса лакраву бакъахьунссар учирчагу, на къабяйкьинссара. Хъунмур никирангу ххуйну кIулну бикIантIиссар хъуними КьурбанмахIаммадовхъул, уссурвал МахIаммад, Амир ва Сулайман. Шамагу уссу диндалул ххуллу-ххуттай цIакьну бавцIусса, шагьрулийсса лакрал багьу-бизулул, диндалул аьдатру дуван мудангу кумаг бувайсса, гьарцагу ккалли бансса иширавух гьуртту шайсса, аькьилсса арамтал буссия. Вай уссурвавраву хъунама МахIаммадъя. Агьалинал тIийкун, мизитрава...
Августрал 24-нний ДР-лул ХIукуматрал Председатель Аьбдулмуслим Аьбдулмуслимовлул каялувшиврий хьунни ДР-лул БакIчиначIасса Инвестицияртту дучIан даврил ва ишбажаранчишиву лядуккан даврил советрал батIаву. Муния бувсунни ДР-лул ХIукуматрал прессалул къуллугърал. Премьер-министрнал бувсунни республикалул ХIукумарал цала хьхьичI масъала бивхьуну бушиву ишбажаранчишиврун аьркинсса шартIру дузал даву. Премьернал тIимунийну, Дагъусттаннай ишбажаранчишиврун лайкьсса шартIру дузал даву мурадрай бартдигьлай бур «ЧIиримур ва дянивмур ишбажаранчишиву...
