МахIаммадов Чарак Оьрмулул 82 шинаву аьпалухьхьун лавгунни Уручуллал шяравасса, ххишала акъа гьунарданул лавайсса инженер, хъинну бусравсса ва цIанихсса тухумрал вакил, уздансса багьу-бизулул чув МахIаммадов Чарак. Уручуллал жяматрал лайкьсса арс аьпалухьхьун лагаврил пашманшивугу кIидачIлай, дакIнийхтунусса жижара буллай буру ванал уссурваврахь ХIажинахь, Зайнуттиннухь, Аьлиллухь, ссихь Зулайхатлухь, арснахь МахIаммадлухь, душваврахь Сураяхь, Каринахь ва махъсса щалагу агьлу-авладрахь, гъан-маччаминнахь. Чараклул...

БАДАВИНАЛ АРС МУРАДОВ СУЛАЙМАН Оьрмулул 82 шинаву аьпалухьхьун лавгунни ГьунчIукьатIрал шяравасса ХIажимурадхъал Бадавинал арс Мурадов Сулайман. Увну ур Сулайман 1940-ку шинал ГьунчIукьатIрал шяраву. Буттал шяраву школагу бувккуну, гихунайгу дуклан увххун, къуртал бувну бур Дагъусттаннал шяраваллил хозяйствалул институтрал агрономтал шайсса факультет. Ватандалул хьхьичIсса цалва буржгу лавхъун, кулпатгу бувну, зий, захIмат буллай ивкIссар агроном-виноградарну ГьунчIукьатIрал къутандалий. Сулайман...

Бадавинал арс ХIасанхIусайнов ХIасанхIусайн Оьрмулул 68 шинаву, захIматсса азардануща ххассал къавхьуну, аьпа­лухьхьун лавгунни ЧIяйннал жяматран ва Щурагьиял агьалинан хъинну бусравсса, цува зузи­сса коллективраву хIурмат лавай­сса инсан. ХIасанхIусайн увну ур ЧIяйннал шяраву 1955-ку шинал, учитель Бадавинал ва Аминатлул кулпатраву. ЧIяйннал дянивмур даражалул школагу къуртал бувну, увххун ур Дагъусттаннал педагогикалул институтравун. Ва къуртал бувну махъ тIайла увккун...

Кьурбан­исмяиллул арс Аьбдуллаев Амин Вай гьантрай, оьрмулул 88 шинаву, дунияллия лавгунни ГьунчIукьатIрал шяравасса, лакрал миллатрал бусравсса арс, 2003-ку шиная шийнай «Илчилий» зий ивкIсса, Кьурбанисмяиллул арс Аьбдуллаев Амин. Дагъусттаннал шяраваллил хозяйствалул институтгу був­ккуну, агрономнал даврия айивхьуну, колхозрал председательнал къуллугърайн ияннин зий, захIмат буллай ивкIсса, шяраваллил инсантурал оьрмугу, аьрщарал хIалгу ххуйну кIулсса Аминнул цIу- бутIуй чичайссия шяраваллил...

АХIМАДИЛ АРС МУСАЕВ ИОСИФ Декабрьданул 3-нний, къашавай лахъигу къалавгун, аьпалухьхьун лавгунни Кьукуннал шяравасса АхIмадил арс Мусаев Иосиф. Иосиф увну ур сентябрьданул 1-нний 1937-ку шинал Мусаев АхIмадил ва Наватлул кулпатраву. 1954-ку шинал Гъумучиял дянивмур даражалул школагу къуртал бувну, увххун ур Да­гъусттаннал шяраваллил хозяйствалул институтравун. Вагу къуртал бувну, 1960-1963-ку шиннардий, зий ивкIун ур Лак­рал райондалул «Правда» колхозрал...

Маммал душ Къажлаева Курзи Оьрмулул 97 шинаву аьпа­лухьхьун лавгунни лакрал ва дагъусттаннал литературалул ва культуралул дунияллий цил цIанил бусравшиву ххинугу хъуннасса, биялсса луттирдал ва учебникирттал автор, редактор, фольклорист, Гъумучиял ххаллилсса агьлу-авладрал варис, гьарцаннангу эбратрансса зунттал хъамитайпа Маммал душ Къажлаева Курзи. БивкIулул пашманшивугу кIидачIлай, дакIнийхтунусса жижара буллай буру ванил ичIувацириннахь, махъсса цинявппагу гъан-маччаминнахь. Цил бунагьирттал аьпа...

Государственный секретарь РД Магомед-Султан Магомедов выразил соболезнования Магомедсаламу Магомедалиевичу и его семье в связи с кончиной их отца , видного политического деятеля, Магомедали Магомедовича Магомедова. Он отметил, что жизненный и политический путь Магомедали Магомедова вызывают уважение, который упорством, трудом и созиданием прошел все этапы государственника. Также подчеркнул, что ему удалось не допустить распада республики в...

АьвдурахIманнул арс Расулов Гьарун Уттигьанну, оьрмулул 77 шинаву, захIматсса азардануща ххассал къавхьуну, аьпалухьхьун лавгунни дакI-аьмал хъинсса, инсантуращал хIал бавкьусса, цува зузисса коллективраву хIурмат лавайсса, ЧIяйннал жяматран ва Буйнакск шагьрулул агьалинан хъинну бусравшиву дусса, АьвдурахIманнул ва Султанатлул арс Гьарун. Шяраву 10 классгу къуртал бувну, Гьарун лавгун ур Каспийск шагьрулийн «Дагдизель» заводрай зун. ЧIал къавхьуну гичча, 1964-ку...