Маммал душ Къажлаева Курзи
Оьрмулул 97 шинаву аьпалухьхьун лавгунни лакрал ва дагъусттаннал литературалул ва культуралул дунияллий цил цIанил бусравшиву ххинугу хъуннасса, биялсса луттирдал ва учебникирттал автор, редактор, фольклорист, Гъумучиял ххаллилсса агьлу-авладрал варис, гьарцаннангу эбратрансса зунттал хъамитайпа Маммал душ Къажлаева Курзи.
БивкIулул пашманшивугу кIидачIлай, дакIнийхтунусса жижара буллай буру ванил ичIувацириннахь, махъсса цинявппагу гъан-маччаминнахь. Цил бунагьирттал аьпа баннав, имандалийсса бивкIу хьуну лякъиннав, рухI бигьаний дишиннав!
«Илчилул» редакция
Хъуннасса кьурчIишиву кIидачIлай, дакIнийхтунусса жижара буллай буру МахIаммад ХIусайновлухь ванал ппу, Дагъусттаннал медициналул чирахъну ивкIсса жула хIурмат лавайсса
ХIусайнов ХIусайн Камаллул арс
жуятува батIул шаврийн бувну. Цал рухI хъинний дишиннав! Алжаннул ххари аннав!
Махъминнал оьрмурду лахъи баннав!
Лакрал театрданул коллектив
Хъуннасса пашманшивугу кIидачIлай, дакIнийхтунусса жижара буллай буру МахIаммад ХIусайновлухь, ванал ппу, медициналул элмурдал доктор, профессор,
Камаллул арс ХIусайн
аьпалухьхьун лагаврийн бувну. Цал бунагьирттал аьпа баннав, рухI рахIатний дишиннав, ванал цIанил барачат ва сий ирсирай лирчIун лякъиннав.
«Дараччи» клубрал цинявппагу хъаннил цIания
Гульшан Хасаева
