Шамилчинсса шинни Ккуллал райондалийсса школардал дуклаки оьрчIал дянив ва цIанилусса конкурс буллай. Гьашинугу, хьхьичIми шиннардий кунма, конкурс бунни ЧIяйннал школалул хIаятраву. Шикку гьуртту хьунни 10 школалул командартту.

МахIачкъалалив ветерантал, аксакалтал бавтIсса цавагу мажлис, царагу шадлугъ къалагай Хъусращиял шяравасса ХIусайнахъал Сяид акъасса. Аьчухсса, мукъуй цIу бусса, хъярч-махсартту ххирасса Сяидлул муданма цащалвасса каманчагу мушакъатсса каниву тIуркIутIи бувну, бюхттулсса чIуний, вичIидирхьунайн асар биян буллалисса балайрду тIий чIюлу бай цумурцагу мажлис.

Гьашину щалвагу Аьрасатнал хьунадакьлай бур Хъуннасса Ххувшаврил 70 шинал юбилей. Ва бур жулва инсантурал дакIния тачIав къабуккантIисса тарих. Хъунмасса Буттал КIанттул цIанийсса дяъвилий 26 миллион жулва халкьуннал цалла жагьилсса жанну харж дурну дур.

Ттул бутта МахIаммадов ХIусайн МахIаммадал арс увссар 1919 шинал ЧIяйннал шяраву. 1933-ку шинал Щурагьсса ФЗУ связи къуртал бувну, зий ивкIссар Хъунзахъиял узел связилий телефонистну. Шиккува кIул хьу

Кьубиял шяраваллил жяматрайн цимийлагу захIма-захIматсса кьинирду, лухIи баларду ливккун бур. Цалчинмур балану хьуну бур, хьхьичIуннайсса шиннардий чIявусса агьали оьрмурдацIа хьусса, «бабаъ» (кьявда) азаруннил кьатI бувсса.

Лакрал райондалия Хъунмасса Буттал КIанттул цIанийсса дяъвилийн лавгминнал ларсун дур цайми районнаяр чIярусса орденну ва медаллу. Шама виричунал цIа дакъасса, 106-ннал ларсун дур СССР-данул орденну ва медаллу, 589-ннал ларсун дур «За оборону Кавказа»,

«Жул ппу, ХIажиев Ма­хIаммад, ЧIяйннал шяраву 7 классгу къуртал бувну, дуклай ивкIун ур Каспийскаллал ФЗУ-рай, мичча увцуну ур аьрайнгу, — буслай бур МахIаммадлул хъунма-хъунмур душ Мариян. – Дяъвилий ппу Северо-Западный фронтрай, роталул командирнал хъиривчуну, Украинский фронтрай тIурчарив аэродромрал полкраву, взводрал командирну ивкIсса документру бур.

Цалчинмур ЦIувкIратусса Мусал арс Мусаев МахIам­мад революциялул хъирив­сса шиннардий Къиримнавун, Алупкалий яхъанахъисса бу­ттауссу СултаннучIан, лавгун ур. ХIалтIилий ччянива Къиримнавун лавгсса буттауссу тиччава­сса душгу бувцуну, мина дурну ивкIун ур.

«Магьлувух кунма бувкIун, макI кунма чIарах бувккун лагайсса бивкIун бур оьрму, 90 шинавун биявай бунагу, лахьхьу-цархьхьу хьуми ишру кунма дакIний бур дяъвилул чIумалсса ишру», — тIий бур Цалчинмур ЦIувкIратусса Кьуцмаева ПатIимат. Ганил бусласимуних личIлулну вичIидирхьуну бура нагу, цавагу махъ щяв багьан къабитлай.

Ххувшаврил ттугълил липI-липI жунма ххал хьуншиврул, чIявусса арамтурал жанну кьурван дурссар. Ххувшаву ларсун бувкIминнал хъунмасса захIмат бивхьуссар эяллайн дурк­сса Ватан ччаннай дацIан дуван. ХIакьину ттун кIицI дуван ччива, дяъвилуву дурсса чувшивурттащал, махъсса оьрмулийгу эбрат ласунну зий бивкIсса, ЧIяйннал шяравасса, дяъвилул 2 гьурттучинал цIарду.