Аьвзалзаманнай, хъинну архсса заманнай Индиянал вацIраву авчитуран хIисав хьуну бур хъуни бакъасса лелуххант. Ми мюрщисса ккунукругу байсса, мурхьирдая мурхьирдайн лехлахисса бивкIун бур. ДикIгу миннул кьянкьасса ва цIансса диркIун дур. ЧIу тIурча ми лелуххантрал бюхттулсса, бювчIусса бивкIун бур.

-Э-оь-оь-оь! – тIун бикIайсса бур ми гьанттайн чIумал баргъ тIайла буклай.ЦIанчаннавугу мура макьан дуцлай, «э-оь-оь» тIий булукьайсса бур.
Аьвзалзаманнул инсантурал ми баргъ чантI учин бай лелуххантран ккалли бувну бур. Миннуйн бургъил лелуххант цIардугу дирзун, шаппай бувцуну бур. Бургъил лелуххантрал хIурмат хъунмасса бивкIун бур таний, ми литIун ва букан нигьачIий бивкIун бур. Миннуха ялув бавцIуну къуллугъ буллай бивкIун бур. Лелуххант буч хъанай, хъуни хъанай бивкIун бур. Миннул ккунукругу хъуни хьуну бур. Буччин буллалисса лелуххантрал ккунукругу чIявусса буллан бивкIун бур.
Вана укун ми лелуххант чан-чанну тIий ичIаллил лелуххант хьуну бур.
Архсса Индиянаватур, оьрчIрув, жучIанма аьнакIив багьсса. ХIакьину Лаккуй аьнакIив бакъасса къаттавагу бакъахьунссар. Зуннив, оьрчIрув, ккунук­ру хъинну ххирашиву кIулли. Ххирану бикIангу аьркинссар. Ккунукраву белок чIявуссар. Белок тIурча жулва чурххан чара бакъа аьркинссар.

Н. Радковскаял
бувсмунийн чул бивщуну