Вай гьантрай Каспийскалий «Матери России» щалагу Аьрасатнал жяматийсса суккушиндарал региондалул отделениялул «Здоровое материнство» приоритет проектрал лагрулий хьунни «Родительство» клубрал заседание. Ва хъанай дур ва клубрал кIилчинсса батIаву.

Бадрижамал Аьлиева
Проект щаллу дуллалиссар «Единая Россия» ВПП КМО-лул, ДР-лул ЦIуллу-сагъшиву дуру­ччаврил министерствалул, ДР-лул Печатьрал ва информациялул министерствалул, ДР-лул Маммологтурал радиологтурал ассоциациялул, «Вавилон» цIанилусса фитнес-центрданул ва студия красотылул чIаравбацIаврийну.
«Родительство» клубрал батIавривух гьуртту хъанай бия Энергетический колледжрал студенткахъул ва хъаннил консультациялий учетрай бавцIусса лякьлуву оьрчI бусса хъами. Заседание дачин дурсса Мадина Темировал ми кIул бунни клубрал хIурмат бусса члентуращал – «Ассоциация маммологов радиологов Республики Дагестан» РОО-лул президент Ф. Тамаеващал, Кулпатрал цIуллу-сагъшиву дуруччаврил ва репродукциялул Республикалул центрданул онколог-маммолог Л. Абдуеващал, Каспийскаллал хъаннил консультациялул заведующая З. Кьасумоващал, ЦГБ-лул родильный отделениялул хъунмур Р. Аьливердиеващал, оьрчIал поликлиникалул педиатрический отделениялул хъунмур В. Микаиловащал, мукунма цаймигу хIакинтуращал.
Махъ лавхъунни «Матери Ро­ссии» суккушиндарал кIанттул отделениялул председатель Таиса МахIаммадовал. Ванил кIицI лавгунни гьарцагу хъамитайпалун нинушиврул цуксса хъунмасса кIану бугьлай буссарив, мунияр агьам­ссагу, хьхьичIунссагу цичIав да­къашиву.
Гихунмай хьунни лякьлуву оьрчI бусса ва оьрчI буван дакIнийсса хъаннил цIуллу-сагъшиврийн, миннал занакьулушиндарайн, вакцинопрофилактикалийн, хъазамрал рак­рал профилактикалийн ва мукунма цаймигу масъаларттайн багьай­сса ихтилатру. Ччиманаща бюхълай бия пишакартурахьхьун ччимур суал булун.
«Матери России» суккушиндарал приоритет проектирдавасса цану дур «Сохраним жизнь маме» цIанилусса проект, хъазамрал ракрал профилактикалун хас дурсса.
Октябрьданул 2-нний Миллат­рал библиотекалуву, щалагу дунияллий тIайла буккайсса «месячник борьбы с раком молочной железы» мероприятиялул лагрулий, хьунтIиссар уквасса информационный семинар «Школа женского здоровья. Розовая лента – борьба с раком молочной железы» цIанилусса.