Дагъусттаннал хъузалтрал ларсун дур 1 млн. 200 азарда тонна ахънилссаннул ва ахъулссаннул бакIлахъиялул. Мунил хIакъираву бувсунни ДР-лул Шяраваллил хозяйствалул ва бакIлахъиялул министерствалул зузалтрал.
ХIасан Аьдилов
ХIакьинусса кьининийн ларсун дур сайки 732 азарда тонна ахънилссаннул 21 азарда гектардания, ца гектардания 341 центнер хIисавну.
Ва чIумал республикалий нувщи батIлан бикIайссар, министерствалул ккаккиярттайн бувну, нувщи бавтIун бур 7 азаллий 700 гектардания 156 азарда тонна – ца гектардания 200 центнер хIисавну. Пландалий бур гьашину датIин 380 азарда тонна нувщул.
Гьашину пландалий бур датIин сайки 1 млн. ва 500 азарда тонна личIи-личIисса ахънилссаннул, дукIунияр чан-кьансса гьарзану.
ЦIанасса ппурттуву республикалул аграрийтурал датIлай бур ахъулссагу, бахчагу. ХIакьинусса кьини дартIун дур 70 азарда тонна ахъулссаннул 8 азардаксса гектардания. Гьашину ласун тIий дур 110 азаруннияр ххишаласса тоннарду ахъулссаннул.
Мукунна цIанасса чIумуву дартIун дур 165 тонна къалпузрал ва къавундалул 6 азарда ва ххишаласса гектардания.
ДукIу Дагъусттаннал хъузалтрал дартIун диркIссар 1 млн. ва 300 тонна ахънилссаннул, 380 азарда тонналияр ххишаласса нувщи ва 128 азарда тонна ахъулссаннул.
