МахIачкъалалив Б. Астемировлул цIанийсса 39-мур лицейрал цIусса корпус тIивтIунни. Ва шадлугърай гьуртту хьунни экономикалул министр ХIажи Султанов, промышленностьрал ва машлул министр Низам Халилов, Дагъусттаннал парламентрал депутат ХIусман Булатов, МахIачкъалаллал Депутатътурал мажлисрал хъунама Марис Илиясов, Жяматийсса палаталул каялувчи Аьзизбаг Черкесов ва цаймигу бусравсса хъамал.

ХIажи Султановлул, агьали барча буллай, учительтуран ва дуклаки оьрчIан, нитти-буттан тIайлабацIусса дуккаврил шин чIа тIий, кIицI лавгуна, гьашину цIусса школардайн 7 азара дуклаки оьрчI лавгшиву. Лицейрал директор Гульбарият Аьбдулжалиловал бувсуна лицейраву Цалчинсса гюнгутIи бишлай 56 шин хьушиву, гьашинумур байран личIиссара душиву, школа гьарза-гьарта баврия хъуннасса ххаришиву душиву.

Уттинин школалул кьамул айсса ивкIун ур 1200 дуклаки оьрчI, цIусса корпус баврийну 500 оьрчIансса кIану ххихьуну бур, гьашину 1700 оьрчI дуклан тIий ур. Шанна зивулийсса блокраву бур 27 кабинет, оьрчIру ва душру личIи-личIину захIматрал дарсирдайн занансса шартIру дур. Душвавран, масалдаран, лахьхьин дуллан тIий бур ххал-ххалаххул даву.

ПатIимат Рамазанова