Вай гьантрай Сакиншиндарал комитетрал каялувчитал Зайнуттин ХIасанов ва Руслан ЖахIпаров хьунабавкьунни Сиражуттиннул арс Марис Илиясовлущал ва цачIу ххал бивгьунни Сиражуттин Илиясовлул аьпалун хас бувсса 2025 шинал Юбилейрал «Кубок Лакии» чемпионатрал масъалартту.
ХIадур дурну дур футболданул турнир даврил план, ккаккан дурну дур Кубокрал тIуркIурду байбишаврил чIун.
Кубокрал турнирданул ва «Лига Лакиилул» 10-сса шинни республикалул личIи-личIисса районнаясса лакрал шяраваллу спортрал площадкалийхчIин цачIун дуллай. Ми шиннардий 50-нниха лирчусса шяраваллу ва 70 команда гьуртту хьунни жулла турнирдай.
Амма цаппара шяраваллу ттинин цаллагу гьуртту хьуну дакъар. Агарда мукунсса шяраваллал вакилтал бухьурча «Кубок Лакиилул» сайтрайн буххайсса, чичара зула пикри-зикрирду – комментарияртту. Шаймур бувантIиссар «Кубок Лакиилул» кьюкьравун кIункIу дуван уттигу цаппара лакрал шяраваллу. Яларай дуллай буру уттинин «Лига Лакиилул» турнирдай цаллагу гьуртту къархьусса ягу ччянияцIа гьуртту къархьусса шяраваллал сияхI:
ГьувкIур, Иниши, Куми, Ккур­­ккул, Лахъир, Мукьар, Ппа­ла­ссун, Увур, ТIулизун, Хъу­найми, ХьурукIул, Хъювхъи, Шал, КIямаши, СунбатIул, КIу­лушацIи.
Сиражуттин Илиясовлул аьпалул 2025-ку шинал «Лига Лакиилул» 10-мур турнирданий гьуртту хьун хIадурсса командарттая заявкарду кьамул дуллай бур мартрал 20-ннийнин. Заявкарду дулун аьркинссар почталийн: lak- football@mail.ru
Гьартасса информация ласун бюхъантIиссар Сакиншиндарал комитетрал каялувчинаяту. Ванащалсса дахIаву: +7 (964) 007-02-06, Зайнуттин.

Цалсса дуркIун дур укунсса командарттал заявкарду:

Читтурдал команда

Ва команда турнирдай гьуртту хъанай дур 2016-2024-ку шиннардий.
Ванил ттинин бувну бур 43 тIуркIу, 25 тIуркIулуву ххув хьуну дур, дух хьуну дур 11 тIуркIулуву, 7 ничья хьуну бур, муттаэтурал къапурдавун бавкьуну бур 100 гол, цаламур къапулувун итабавкьуну бур 63 гол. Команда хъанахъиссар 2016 ­шинал турнирданул чемпион.
Вай ккаккияртту дагьайссар так кубокрал тIуркIурдайн.

Бархъаллал команда

Команда турнирдай гьуртту хъанай дур 2016-2024 шиннардий. Ванил вай шиннардий бувну бур 32 тIуркIу, ххув хьуну дур 16 тIуркIулуву, дух хьуну дур 11 тIуркIулуву, 5 ничья бувну бур. Муттаэтурал къапурдавун бавкьуну бур 68 гол, цаламур къапулувун итаба­вкьуну бур 62 гол.
Команда хъанахъиссар 2019 шинал чемпион.

Гьамиящиял команда

Команда турнирдай гьуртту хъанай дур 2016-2024 шиннардий. Вай шиннардий ва командалул бувну бур 31 тIуркIу, ххув хьуну дур 7 тIуркIулуву, дух хьуну дур 17 тIуркIулуву, ничья хьуну бур 7- нниву.
Муттаэтурал къапурдавун бавкьуну бур 50 гол, цаламур къапулувун итабавкьуну бур 78 гол. Командалул 2017 шинал бувгьуссар 3-мур кIану.

Карашрал команда

Команда турнирдай гьуртту хъанай дур 2016-2024 шиннардий. Вай шиннардий ванил бувну бур 29 тIуркIу, 16 командалуяр ххув хьуну дур, дух хьуну дур 9 командалуяр, 4 ничья бувну бур. Муттаэтурал къапурдавун бавкьуну бур 75 гол, цаламур къапулувун итабавкьуну бур 53 гол. Ва командалул 2020 шинал ларсъссар чарвитул медаль.

Хьурттал команда

Команда турнирдай гьуртту хъанай дур 2024 шиная. Ца шинал мутталий бувну бур 4 тIуркIу, 1-нний ххув хьуну дур, 2 тIуркIулуву дух хьуну дур, 1 ничья бувну бур. Муттаэтурал къапурдавун бакьуну бур 6 гол, цаламур къапулувун итабавкьуну бур 13 гол.

Хъурхърал команда

Команда турнирдай гьуртту хъанай дур 2015-2024 шиннардий. Ми шиннардий бувну бур 41 тIуркIу, 28-нниву ххув хьуну дур, 8 тIуркIулуву дух хьуну дур, 5 ничья бувну бур, муттаэтурал къапурдавун бавкьуну бур 153 гол, цаламур къапулувун итабавкьуну бур 64 гол. 2022 шинал ва 2023 шинал командалул турнирданий бувгьуну бур 3-ми кIанттурду.

Кьукуннал команда

Команда турнирдай гьуртту хъанай дур 2016-2024 шиннардий. Ванил бувну бур 28 тIуркIу, ххув хьуну дур 13 тIуркIулуву, дух хьуну дур 12-нниву, 3 ничья бувну бур. Муттаэтурал къапурдавун бавкьуну бур 54 гол, цаламур къапулувун итабавкьуну бур 60 гол. Командалул ххуймур хIасил финалданул 1/4 2016 шин ва 2022 шин.

уручуллал команда

Турнирдай гьуртту хъанай дур 2016-2024 шиннардий. Ванил бувну бур 34 тIуркIу, ххув хьуну дур 12 тIуркIулуву, дух хьуну дур 14 тIуркIулуву, бувну бур 8 ничья. Муттаэтурал къапурдавун бавкьуну бур 62 гол, цаламур къапулувун итабавкьуну бур 80 гол. Командалул яла ххуйми хIасиллу – 2016 шин, 2023 шин, 2024 шин, финалданул 1/8 кIану.

Ххюлуссуннал комада

Турнирдай гьуртту хъанай дур 2016-2024 шиннардий. Командалул бувну бур 40 тIуркIу, миннувасса 20-нниву ххув хьуну дур, 16-нниву дух хьуну дур, 14 ничья бувну бур. Муттаэтурал къапурдавун бавкьуну бур 99 гол, циламур къапулувун итабавкьуну бур 73 гол. Командалул яла ххуймур хIасил хьуну дур 2018 шинал, 2019 шинал, 2023 шинал, финалданул 1/4 кIану.

ЧукIуннал команда

Турнирдай гьуртту хъанай дур 2016-2024 шиннардий.
Ми шиннардий командалул бувну бур 29 тIуркIу, миннувату ххув хьуну дур 9-нниву, дух хьуну дур 12 тIуркIулуву, бувну бур 8 ничья. Муттаэтурал къапурдавун бавкьуну бур 62 гол, цаламур къапулувун итабавкьуну бур 65 гол. Командалул яла ххуйми хIасиллу: 2019 шин, 2020 шин, 2024 шин, финалданул 1/8 кIану.

Дюкъуллал команда

Турнирдай гьуртту хъанай дур 2016-2024 шиннардий.
Командалул бувну бур 38 тIуркIу, ххув хьуну дур 21 тIуркIулуву, дух хьуну дур 10-нниву, бувну бур 7 ничья. Муттаэтурал къапурдавун бавкьуну бур 84 гол, цаламур къапулувун итабавкьуну бур 59. Командалул яла ххуйми хIасиллу: 2021 шин, 2022 шин, 2024 шин, финалданул 1/4 кIану.

Ялув ЧIатлухъиял команда

Турнирдай гьуртту хъанай дур 2016-2024 шиннардий.
Командалул бувну бур 48 тIуркIу, ххув хьуну дур 32 тIуркIулуву, дух хьуну дур 8 тIуркIулуву, 8 ничья бувну бур. Муттаэтурал къапулувун бавкьуну бур 155 гол, цаламур къапулувун итабавкьуну бур 73. Командалул яла хъинмур хIасил: 2020 шинал чемпион.

ДучIиннал команда

Турнирдай гьуртту хъанай дур 2016- 2024 шиннардий.
Командалул бувну бур 15 тIуркIу, ххув хьуну дур 6 тIуркIулуву, дух хьуну дур 7 тIуркIулуву, 2 ничья бувну бур. Муттаэтурал къапулувун бавкьуну бур 30 гол, цаламур къапулувун итабавкьуну бур 35.
Командалул яла хъинмур хIасил: 2024 шин, финалданул 1/4 кIану.

ЦIуссаккуллал
команда

Турнирдай гьуртту хъанай дур 2016-2024 шиннардий.
Командалул бувну бур 36 тIуркIу, миннувату ххув хьуну дур 36 тIуркIулуву, дух хьуну дур 14 тIуркIулуву, 4 ничья бувну бур. Муттаэтурал къапулувун бавкьуну бур 98 гол, цаламунивун итабавкьуну бур 77.
Командалул яла хъинми хIасиллу: 2016 шин, 2024 шин – 3-ми кIанттурду.

Гъумучиял команда

Турнирдай гьуртту хъанай дур 2016-2024 шиннардий.
Командалул бувну бур 10 тIуркIу, ххув хьуну дур 4 тIуркIулуву, дух хьуну дур 3 тIуркIулуву, 3 ничья бувну бур. Муттаэтурал къапулувун бавкьуну бур 15 гол. Командалул яла хъинми хIасиллу: 2016 шин, 2017 шин, 2020 шин, финалданул 1/16 кIану.

Хъюйннал команда

Команда турнирдай гьуртту хъанай дур 2024 шиная ший­ннай. Ца шинал мутталий ­бувну бур 3 тIуркIу ва 3-лла дух ­хьуну дур. Муттаэтурал къапулувун бавкьуну бур 2 гол, цаламур къапулувун итабавкьуну бур 14 гол.
ХIасан Аьдилов