Дагъусттан Республикалул журналистътурал ва ттула чулуха барча дуллай буру вил 65 шинал юбилей.
Шанна шинал мутталий ина Республикалул Министртурал кабинетрал каялувшиврий авцIуну уссаксса хIаллай Дагъусттаннай чIявусса бутIраву хьунни лябуккулул чулийсса дахханашивуртту.
ХIакьинусса кьинигу вил хIарачатрайну Дагъусттан бур цIакьсса производствалул ва экономикалул потенциал бусса, хьхьичIуннайсса кIулшивуртту дулаврил ва цIуллушиву дуруччаврил системалущалсса, сивсуну хьхьичIунмай нанисса ва цила хьхьичI хъунисса задачартту бихьлахьисса регион.
Вил личIлулсса каялувшиврийн бувну, Дагъусттан Республикалул массовый информациялул средствардаву тамансса хьхьичIуннайшивуртту хъанай дур.
Жун цинявннан кIулли вил миллатирттал изданиярттащал ляличIисса ара душиву ва журналистътуран му хIисавгу хъанай дур.
Ина, мукъурттийну бакъача, иширайну чIалачIи дуллай ура жула ляличIисса миллатирттал мазру буруччаврил агьамшиву.
Ина увсса кьини жу вин чIа тIий буру къабигьасса давриву хьхьичIуннайшивуртту, циняв хьхьичI бивхьусса масъалартту бартбигьаву, Ккавкказуллал зумуну чIярусса шиннардийсса оьрму ва оьрмулуву так яла хъинмур.
ХIурматращал ДР-лул Информациялул ва печатьрал агентствалул
каялувчи Арсен Юсупов
ва «Илчи» кказитрал зузалт