Ноябрьданул 17-нний ДР-лул бакIчи Федор Щукин хьунаавкьунни Аьрасатнал Генеральный прокуратуралул управлениялул хъунаманал хъиривчу Алексей ЖахIпаровлущал.

Хьунабакьаврий ххал бивгьунни интернетраву законнайн къарщи буклакисса ва деструктивсса информация ппив буллалаврийн къарщи буккаврил масъалартту.
«ХIакьину информациялул пространство – му бур паччахIлугърал мюхчаншиврухлу ва ялун нанисса никирал аькьлу-кIулшилухлу талатаврил яла хьхьичIмур кIану (передовой). Жура кьукьланну жула оьрчIру нигьачIаву дусса ккураннавун кIункIу буллалисса хIарачатирттал хьхьичIалу!
Жунна агьамшиву дур интернет бюхъурдал ва хьхьи­чIуннайшивурттал пространствану личIаврил, ва бакъар жагьилтал законнайн къарщи­сса иширттахун бичаврил ярагъ. Жува аьркинссар дуруччин адаврал, мяърипатрал лишанну (ориентиры) ва жагьилтал лиян буллалисса иширттал хьхьичIалу кьукьин»,– увкунни региондалул бакIчинал.Ванал бувсунни аьркинну бушиву му ххуллий бавкьуну зун региондалул властьрал, прокуратуралул ва ихтиярду дуруччай органну.