Декабрь зурул 5-нний ув­ссар жул хъинсса дус, ххаллил­сса лаккучу, Бархъаллал шяравасса уздансса буттал ЯхIиянал арс

Марат МахIмудов.
Дугърисса, аьчухсса, тIуллу чумартсса, инсаннан кумаг бан хIадурнувасса жула

дуснахь дакIнийхтуну барча тIий буру увсса кьини.
ЧIа тIий буру цIуллу-цIакь­шиву, ххари-хъинши­вуртту, дуллалимуниву тIай­лабацIу. Винма ххираминнал ххари уллай личIаннав ина бусса оьр­мулий.
Ина ххирасса вил дустал

---

МахIаммад Хъунбуттаевлун

На вил сурат лахъав музейрал чIирайн,
Ттунна лайкьну чIалай, вирттаврал чIарав,
Итталун дагьайний вил цIагу чичав,
Куклу къадурну тIий буттал цIа чувчIав.

Бити вил къабикIан къатри-къаларду,
Ччинайн амру байсса хъуни къуллугъру,
Къагьарив душиву виву къирият,
КъучагъначIа лайкьсса зунттал хасият.

Бувайсса гъалгъагу пасихIну бара,
Дувайсса давугу усттарну дара,
Шадлугъру, мажлисру бачин бувангу
ЛяличIисса гьунар виву хъунмари.

Ина Урувасса, на Ккурклиясса —
КIия дус ччянива цаннан ца кIулсса,
Ца Ватан вил ва ттул, дазу дакъасса,
Ванил бюхттулшиврийн жува мукIрусса.

Вищалсса дусшиву жагьилнийрасса
ЧIяруну ттун хайрну хьунадаркьуссар,
Вищал архIал бувсса аьрххилиягу,
ТIайлабацIу хьуну, зана хьуссара.

ДакIниву марцIшиву ххисса инсаннал
Дусшиврун хъунмасса кьимат бищайссар:
На ва ина цачIу ккавксса чIумалгу,
ЧIявуми жучIанма, пиш тIий, гъан шайссар.

Даниял Магьдиев