«Продолжительная и активная жизнь» тIисса миллатрал проектрал лагрулий ЦIуминалийсса ЦIуссачIурттащиял ва Шушиннал шяраваллаву байбишин тIий бур ФАП-ру буллай.

КIицI лаган, вай шяраваллаву иширайну зий дайдирхьуну дур цIуллу-сагъшиву дуруччаврил цалчинсса звенорал модернизациялул программа.
Ва хъанахъиссар шярава­ллал кIанттурдай медициналул кумаг баврил даража гьаз баву мурадрайсса миллатрал проектрал ца бутIа.
Программалувун вай ща­рхъурду духхаврин савав хьуссар Экономикалул министерствалул тIалавшиндарайн бувну дузал бувсса документру.
ЦIанасса ппурттуву хIадур бувну бур ФАП-ру буллай байбишинтIисса кIанттурду, бивхьуну бур бетондалул блокру.
Программа иширайну дузрайн дуккаврийну щархъай ялапар хъанахъисса инсантуран шаллу хьунтIиссар лавайсса даражалул медициналул кумагрансса шартIру.
Имара Саидова