Мартрал 4-нний ЦIуссалакрал райондалийсса ЦIуссалакрал шяраваллил гимназиялий хьунни «Живая классика» тIисса Дунияллул халкьуннал конкурсрал райондалиймур ятIап.
Ва конкурс хъанай дур дуклаки оьрчIан литературалул произведенияртту буккаврих гъира бутансса агьамсса проектну.
Райондалийсса конкурсрал ятIапрай гьуртту хьуну, 1-мур кIану бувгьунни Аьхъардал школалул дуклаки душ ПатIимат Ибрагьимовал. Ванил бувккунни Марина Дружининал «Искусство чтеца» тIисса луттиравасса парча.
Финалистътал гьуртту хьунтIий бур МахIачкъалалив хьунтIисса финалданий. Шиккува кIицI лаган, республикалий «Живая классика» конкурс нанисса 14 шинал мутталий ЦIуссалакрал райондалул дуклаки оьрчIал цимилгу хьхьичIунсса кIанттурду бувгьуссар.
ЧIа учинну ПатIиматлун гихунмайгу тIайлабацIу.
Имара Саидова
