Дагъусттан Республика сакин хьуну 95 шинал юбилейран хас дурсса шадлугъ хьунни Хъусращиял шяраваллил Аьрасатнал аьдатсса магьирлугърал центрданийгу.
Муний гьуртту хьунни шяраваллил бакIчи Эдуард ХIажиев, ванал кумагчи Олег ХIажиев, школалул директор Гулайбат ХIажиева, магьирлугърал центрданул зузалт.
Эдуард ХIажиевлул бувсуна Дагъусттаннал Автономия баян баврил тарихрая. Гихуннай магьирлугърал центрданул зузалтрал ккаккан дурна хъун дакъасса концерт.
