ХIукуматрал хъунама журналистътуращал хьунаавкьунни

ХIукуматрал хъунама журналистътуращал хьунаавкьунни

Аьрасатнал Печатьрал кьини Дагъусттаннал ХIукуматрал хъунама Аьбдулмуслим Аьбдулмуслимов хьунаавкьунни Республикалул Информациялул ва печатьрал агентстволул коллективращал. Хьунабакьаврийн оьвкуну бия республикалул кказитир­ттал хъуними редактортурайнгу.

Дагъусттаннал БакIчи Сергей Меликовлул цIанияту премьер-министрнал барча бунни журналистътал ва барчаллагь увкунни, республикалийсса иширттая агьалинахь тIайлану бусан хIарачат буллай, дакIнихтуну зий бушиврухлу. Ванал кIицI лавгунни агентстволул ца агьаммур бурж-бигар бушиву республикалийсса СМИ-дал даву гьаз дуллалисса паччахIлугърал программа бартдигьаву.
«На уттинингу гьаз бувссия ва масъала, уттигу тикрал буванна, СВО байбишайхту, рес­публикалул агьали гьулусан буллалисса провокациялул гужру сукку хьуна, щялусса информация ппив буллай бия. ПаччахIлугърал СМИ-дал давур «информациялул фильтр», ссаву ци буссарив агьалинан тIайлану бувчIин буваву, къалпсса информация къатIайласса бушиву ккаккан буллалисса хIуччарду хьхьичI бихьлай, сантирай даву дуллалаву», – увкунни ванал.
Аьбдулмуслимовлул аьй дунни прессалул зузалтрай, укунмасса захIматчитурал оьрмулия чанну чичлай буру, инвестициялул проектру тIайлабацIулий бартбивгьуминная, цIанихсса дагъусттанлувтурал гьунардая чанну чичлай буру куну. Миллатирттал культуралия, аьдатирттая арх мабуцларду тIисса маслихIатрайсса ихтилатгу бунни. Премьернал хъирив ихтилатру бунни прессалул вакилтуралгу. Масалдаран, «Дагестан» РГВК-лул директор Камила ХIамзатовал гьаз бунни хъуннасса хъар ларсун нанисса журналистътурал харжру лагьсса бушиврул масъала. Ванил ХIукуматрал хъуниминнахь журналистътурансса харжру гьаз бувансса чаранну ккаккияра тIисса тавакъю бунни. Аьбдулмуслим Аьбдулмуслимовлул Агентстволул хъунама Аьбдуразакь Жамалуттиновлуйн тапшур бунни журналистътурал харжру гьаз баврил хIакъиравусса предложение хIадур дуван. ХIукуматрал хъунаманахьхьун суаллу буллунни «Дагестанская правда» кказитрал хъунама редактор Бурлият Токболатовал, «Дагестан» РИА-лул директор МахIаммад МахIаммадовлул, «Дагестан» РГВК-лул директор Луиза Аьли­хановал ва цайминнал.
БатIаву щаллу хьунни хьхьи­Iун ливчуминнан наградар­тту дулаврийну. Наградартту лайкь дурминнавух бия лакгу: «Илчилул» отделданул редактор Качар ХIусайнаеван дуллунни республикалул ХIу­куматрал грамота, Барчаллагьран лайкь хьунни «Дагестанская правда» кказитрал хъунама редакторнал хъиривчу Аслан МахIаммадов ва «Дагестан» РГВК-лул корреспондент Анжела ХIасанхIажиева.

Патимат Рамазанова

Заслуженный работник культуры РД

Читайте также: