Июньдалул 28-нний дайдирхьуну, июльданул 5-нний къуртал хьунни ХIХ дунияллул халкьуннал дянивсса фольклорданул ва аслийсса культуралул «Горцы» фестиваль. ДакIнийн бутан, ванил сакиншинначиталну бия Аьрасатнал Федерациялул ва Дагъусттан Республикалул Культуралул министерстварду, Дагъусттан Республикалул Халкьуннал творчествалул къатта, «Де-АРТ» ООО. Фестиваль хьуссар «Культура» цIанилусса Национал проектрал лагрулий.
[dropcap]Ф[/dropcap]естиваль наниссаксса гьантрай хьунни чIярусса шадлугъру: халкьуннал музыкалул «Зунттал макьанну» фестиваль, «Фестивальданул открыткартту» концертру, «Халкьуннал костюмрал поэзия» байран, циркирал искусствалулмур байран ва цаймигу.
«Горцы» фестивальданул гьурттучитал бивунни Дарбантлив «Нарын-Къалалийн» ва Къизлардайн, вай шагьрурдайгу хьунни фестивальданул лагрулийсса шадлугъру.
Фестивальданул хъин-ахирну хьусса «Ттул Дагъусттан – ттул Аьрасат» цIанилусса гала-концертрай гьуртту хьунни республикалул творчествалул коллективру ва фестивальданий гьуртту хьун жучIанма Аьрасатнал регионная ва чил билаятирттая бувкIсса коллективру. Шикку вайннал ккаккан бунни цалва ярг-яргми номерду.
Концерт щаллу хьунни «Дагъусттан» тIисса балайлийну.
Ва кIилчинсса шинни фестиваль, билаятрай хIасул хьусса эпидемиологиялул къулай дакъасса тагьаргу хIисавравун ларсун, тамашачитал бакъа, онлайн кьаралданий дуллай.
