Вай гьантрай МахIачкъалаллал АхIмад-Хан Султаннул цIанийсса аэропортрай Utair авиакомпаниялул цIу дуккан дунни Стамбуллайнсса рейсру. Ва зуруй байбишинтIиссар МахIачкъалалия Туркнавунсса цалчинсса рейсру дуллай. Ва рейсрайнсса билетру буссар бахлай. Июль зуруй Стамбуллайн рейсру дуллантIиссар алхIаткьинирдай. Август зуруя байбивхьуну тIурча, Туркнавунсса самолетру лехлантIиссар тталат, ххамис ва ххуллункьинирдай.
МахIачкъалаллал аэропортрая самолетру лехлантIиссар ссят 14:10 ва Стамбуллайн самолетру диллантIиссар 16:45 минутраву. Туркнава махъуннай лехлантIиссар 17:50 минутраву ва МахIачкъалалийн диллантIиссар 20:20 минутраву.
Пассажиртал ххилантIиссар хъинну къулайсса шартIру дусса уттизаманнул Boeing 737 – 800 маркалул самолетирттай.
Шиккува кIицI лаган, пассажиртурахь маслихIат ккаккан ччива, тихун лехханнин, дазул кьатIувсса эпидемиологиялуцIун дархIусса тIалавшиннардая кIулгу хьуну, ми биттур даву.
