[dropcap]Ч[/dropcap]Iяв февраль зурул 15-нний хьунни Авгъаннава жула аьрал бувксса кьинилун хас бувсса мажлис. Му тIивтIуна Культуралул къатлул каялувчи Алхасова СалихIатлул.
Мажлисрайн оьвкуну бия му дяъвилул гьурттучи Илдаров Мах1аммадлуйн.

Ихтилатру бувна шяраваллил хъуначу Апанниев МахIаммадлул, Шагьабуттинова Гулжагьрал.Вайннал к1иц1 бувна ЧIяйннал шярава му дяъвилий гьуртту хьуну бивкIшиву Аьлилов Аьли, Кьадиев Кьади, АхIмадов Лачин, Пидуриев Амин, Рабаданов ХIусайн, Багьов Жамалуттин, Мамедов Аьвдулбасир. Школалул оьрчIал дурккуна декламацияртту, бувсуна дяъвилул тарихрая, увкуна балайрду, дурна къавтIавуртту.

Шяравусса хъиривмур мажлис хьуна февраль зурул 23-нний. Ва мажлисран «Ватандалухсса ччаву» тIисса цIа дирзун дия. Ва хас бувну бия Ватан дуруччултрал кьинилун. ЧIяйннал шяраваллил Ветерантурал советрал председатель Апанниев МахIаммадлул бувна лахъи бакъасса, аьрал хIасул баврил тарихраясса ихтилат. Ихтилатру бувна мукунма Апанниева ПатIиматлул, АьбдурахIманов Саэдлул, Жамалуттинов Эльбруслул. Дуклаки оьрчIал ккаккан дуруна му кьинилун хас дурсса концертрал программагу.