Ларгсса нюжмаркьини жулла республикалий ца яла хьхьичIунсса цифровой провайдер «Ростелекомрал» дурунни уттинин жучIара къаишлану диркIсса, цалчинсса «аькьил­сса» домофондалул презентация. Ва дирхьуну дур имам Шамиллул цIанийсса кучалий, хьхьичIвасса «1000 мюрш-кьюрш» («1000 мелочей») тIисса ттучандалул чIарав дурсса цIусса лахъ къатраву. Презентациялий, домофон щурущи даврицIун, «Ростелекомрал» пишакартурал къатраву яхъанахъисса халкьуннахьхьун кIуллигу тапшур дурну, гьарта-гьарзану бувсуна цIушиндарал каширдая.

«Ростелеком Ключ» тIисса цIусса экосистема, ванийн ялагу учайссар «умное видеонаблюдение», МахIачкъалалив дакъа­сса, мукунна зунтIиссар Каспийскалий дуллалисса цIусса къатравугу. Вай цимурца, най дуна агьалинан кьамул хьун захIматну чIаларчагу, жуллагу, жула оьрчIалгу, къатта-къушлилгу мюхчаншиву дуруччинсса мурадрай шиная шинайн тIалав хъанантIисса цIушиннардур.
«Аькьлу бусса» домофон ишла дулланшиврул инсантуран багьлай бур телефондалийн хасъсса приложение ласун, мунийхчIин личIи-личIисса масъалартту дузал буллан. Масалдаран, телефондалийхчIин нитти-буттаща бюхълай бур хIаятравун сайрданий итабавкьусса цала оьрчIах бурган, гайннахь кIула дакъахьурча, къатлуву буна подъездравунсса нуз тIитIин, лифтрай цала къатлул хьулухун бияннин оьрчIал хъирив бацIан. Мукунма приложениялул кумаграйну бюхълай бур машиналий хIаятравун ухханнин, га чув кьабитан бюхълай бурив, бачIвасса кIану бурив ххал бангу. «Аькьлу бусса домофон» приложениялийхчIин ялагу бюхълай бур, щинал, газрал кассардай кьюкьрай къабавцIунма, ишла дурсса коммунал хIаллих­шиннардихсса арцугу телефондалийхчин дичингу. Домофондалийсса видеокамералул кумаграйну тIурча, бюхълай бур подъездравун цу увххун урив, га гива та увккун урив ххал бангу. ХIасил, подъездравун цу-цу унугу къаухланшиврул­сса къадагъа. Ванийсса запись яшайсса дур сайки 2 зуруй.

«Ростелекомрал» пишакарнал бусаврийну, шиная шинайн агьалинал оьрмурдугу, багьу-бизугу хъунмурчIин интернетрал биялдаралусса ва телефоннал кумаграйну чIявусса масъалартту щаллу бан бюхъайсса замана бувкIун бухьувкун, укунсса журалул цIушиннардугу ялу-ялун ишланугу, бусравнугу хъанай ду­сса дур.
«Ростелеком Ключ» тIисса системалувун, «аькьлу бусса» домофон дакъасса, духлай дур мукунссара шлагбаумгу, счетчикру ва лагмарасса видеонаблюдениягу.
КIулли тапшур дурну махъ «Ростелекомрал» пишакартурал, агьалинал буллалисса суалла­хьхьун жавабругу дуллуну, приложение ишла давриву маслихIатру бувна.