Италиянал уссал усттартал бувкIунни Дагъусттаннайн

Сентябрьданул 26-нний Дагъусттаннайн бувкIунни Италиянал уссал техникалул усттартал, миннал сантирайн дуцинтIий дур «БОФФ» фабрикалийн дучIан дурсса оборудование. Му фабрика бур Буйнакскалий. Мунин Италиянава дучIан дурну дур 300 азарва евролунсса усру дайсса аьркин-къарцин.


Италиянал кьай- кьуйлий зун бивкIукун фабрикалий шинал ахирданийннин дузал хьунтIий бур сайки 150 зузи кIану, жучIара дуллан най бур Аьрасатнаву конкуренция духIан бюхъайсса хъинсса усру.
ЦIанасса ппурттуву фабрикалий буллай бур 30 азарда тонна резиндарал, усру дуллан аьркин булланшиврул, ливчIмигу бахлантIий бур цайми фабрикарттан. Проектрал давуртту цинярда дуллан бивкIукун, фабрикалий дузал хьунтIий бур 200 зузи кIану.

ХIадур бувссар
ХI. Аьдиловлул