ЦIу бувну бур «Анаварсса кумаграл» парк

Махъсса кIира шинал дянив МахIачкъала шагьрулул «Анаварсса кумаграл» автопарк цIубуккан бувну бур 100 процентрал.


Муния бувсун бур Республикалул ЦIуллу-сагъшиву дуруччаврил министерствалул пресс-службалий. ХIакьину МахIачкъала шагьрулул «Анаварсса къуллугърал» балансрай бусса бур 86 B ва C классрал карета. Хъуншагьрулий бакъа­сса, 50 процентрал цIу бувну бу­сса бур республикалул цайми шагьрурдайсса «Анаварсса кумаграл» паркругу, районнайми — 30 процентрал.
2019-2020 шинал Республикалул Минздраврал машан лавсун бур 290 машина С, В, А класс­рал. Миннува 40-нийн бивсса машинартту лавсун бусса бур маша бавриву махъун щун дур­сса арцух.

Дагъусттаннал «Анавар­сса кумаграл» автопарк бух хьуну бивкIун бур 70-80 процентрал. ЧIявуми автомобиллал зий хьуну диркIун дур ккаккан дур­сса ххюра шинаяр ххисса ч1ун. ХIакьинусса кьининийн республикалий 400 машина бусса бур зий ххюра шин хьун дурасса.

ЦIуллу-сагъшиву дуру­ччаврил министр Жамалуттин ХIажиибрагьимовлул бусаврийн бувну, махъсса шиннардий «Анаварсса кумаграл» машинартту цIу буккан буллай бур анаварсса бущилий. Ва масъалалух дуллай бусса бур хъунна­сса къулагъас.

ЦIусса медициналул автомобиллу ласлай бу­сса бур республикалул ва федерал бюджетрах. Цинявппагу 290 цIусса автомобиль зий бусса бур хIакьинусса кьини. Республикалул «Анаварсса кумаграл» автопарк цIубуккан буллан тIий бур ванияр тихунмайгу.

2019 шинал машан лавсун бивкIун бур 159 машина, миннува 136 — В классрал,14 — С класс­рал реанимобиллу ва 9 машина -А классрал.
2020 шинал автопаркраву ххи хьуну бур 131 машина, миннува 33- реанимобиль, ва хъанай дусса дур жулла республикалун рекордсса аьдад, 16 карета -В классрал ва 65 — А классрал.

Читайте также: