Дагъусттаннай байбивхьунни ковидрайн къаршисса плазма ишла дуллай

Дагъусттаннай байбивхьуну бур коронавирусрал къашавайсса инсантал ковидрайн къаршисса плазмалийну хъин буллай.


ХIакьинусса кьининийн республикалий хIадур дурну ду­сса дур 100 – нния лирчусса плазмарду. Миннул ца бутIа бусса бур луртандалун бувкьун складирттай, ливчIмур бутIа тIурча, ишла бувну бусса бур ковидрал къашавайми хъин буван.

Плазма дуллай бусса бур, ковидрал къашавайгу хьуну, хъин хьусса инсантурал оьттуя.
Дагъусттан Республикалул ЦIуллу-сагъшиву дуруччаврил министерство оьвтIий бур ковид цIуцIаву дирну, хъин хьу­сса республикалул агьалинайн хIакьину му лавмартсса вирусращал талатисса инсантуран кумаг бан.

Ковидрайн къаршисса плазмалун оь булуншиврул аьркинну бусса бур, пишакартуращал консультациягу дурну, цIуллу-сагъшиврул тагьаргу ххал дурну, яла оь булун Республика­лул оь булайсса станциялий – МахIачкъала, Атаевлул кIичIиравалу, 3.
Ковидрайн къаршисса плазмалул донор хьун бюхъай­ссар Да­гъусттаннай мудана ягу чIумуйнусса (ряхва зуруяр чан акъа) ялапар хъанахъисса 18 — 55 шинал оьрмулувусса Аьрасатнал инсан.

Цувгу икIан аьркинссар чурххал кIушиву 50 килограммраяр чан дакъасса, COVID-19 цIуцIаврил къашавай хьуну, хъин хьусса, цамур цIуцIаву дакъасса. Оь булун бюхъай­ссар щаллуну хъин хьуну ацIния мукьва гьантта лавгун махъ.

Читайте также: