ХIадис ХIажиевлун дуллунни «Фемида» премия

ХIадис ХIажиевлун дуллунни «Фемида» премия

ХIадис ХIажиев

Сентябрь зурул 29-нний Аьрасатнал юрист дунияллийсса яла лараймур премиялул лауреатътурал цIарду рирщунни. Праволул областьраву сийлийсса «Фемида» тIисса премия дуллунни Конституцион Судрал судьянан, Аьрасатнал лайкь хьусса юрист, Аьрасатнал правовой академиялул ва Аьрасатнал правосудиялул академиялул профе­ссор ХIадис ХIажиевлунгу. Ва жула дагъусттанлувнан бивщусса бюх­ттулсса кьиматну хъанай бур. Ва премия дуллалийни, экспертътурал хIисавравун ласайссар юридий пишакартурал праволул областьравусса сий ва паччахIлугъран, жяматран биян бувсса мюнпат.

ПатIимат Рамазанова
ХIадис ХIажиев ур Аьрасатнал Президентнал Советрал членнугу. Граждан законодательство магьир дуллалисса советрал ва ккаккан унни шинал мутталийсса яла хьхьичIунма юристну, «Конституционное правосудие» номинациялий.

Аьмну «Фемидалул» дур мяйра номинация. Премия дулайссар 1996 шиная шиннай. Гьашинумур премия дулаву онлайн кьяйдалийсса хьунни.
«Илчилул» редакциялул цIаниятугу дакIнихтуну барча дуллай буру, юридий элмурдаву акъагу, гьарца аралуву кIулшивуртту цIакьсса ва куртIсса ХIадис ХIажиевлул лайкь дур­сса ларайсса премия! ЧIа тIий буру цIакьсса цIуллушиву ва цIу-цIусса тIайлабацIуртту!

Читайте также: