ЦIусса шинал дайдихьулий МахIачкъалаллал аэропортрал Utair авиакомпаниялул цIу дуккан дан най дур Минводылийнсса самолетирттал рейсру.
МахIачкъалалия Минводылийнсса рейсру пассажиртуран хъинну тIалавну дунугу, Utair авиакомпаниялул ларгсса шинал дацIан дурну дуссия.
Имара Саидова
Утти, январь зурул ахирдания байбивхьуну, ATR-72 маркалул самолетирттай дуллантIиссар МахIачкъалалия Минводылийнсса рейсру.
ДакIнийн бутанну, уттинин ва рейсрай Минводылийнгу левххун, хъирив Сочилийнгу лехлай бивкIшиву.
ЦIу дуккан дан ягу къадан Сочилийнмур рейс – цалсса цалийн къабувтунни.
