[dropcap]Я[/dropcap]нварь зурул 21-нний ДР-лул экономикалул министр ХIажи Султанов хьунаавкьунни Республикалул МФЦ-лул директор МахIаммадамин Арсланаьлиевлущал.

Имара Саидова
Ва хьунабакьаврий хIасиллу дунни ларгсса шиналсса даврил, бувсунни цIусса шинал бартбигьин дакIнийсса агьамми ма­съаларттая.
КIицI лавгунни цаппара­сса хIаллихшиннарду биттур даврил даража чIаланну гьаз хьуну бушиву, ми дур 97, 92 % дирсса. Дянивну ца хIаллихшинна щаллу даврих ялугьлагьисса чIун дур 13 минутIрал мутталийсса.

2019 шинал «Безналичный МФЦ» тIисса проектрал лагрулий 19 МФЦ-луву бивхьуну бур налогру, госпошлинарду, аькIри дулай­сса Post- терминаллу, 36 МФЦ-лул филиалдануву сакин дурну дур водительтурал удостоверенияртту даххана дай­сса хIаллихшиннарду. «МФЦ для Бизнеса» тIисса программа дузрайн дуккан даврил проектрал лагрулий дузал дурну дур 185 хIаллихшинна щаллу дай­сса шартIру. МахIачкъалалив, Каспийскалий ва Дагъусттаннал Огнилий тIивтIуну бур бизнесментуран кумагру байсса центрду.
2019 шинал Дагъусттан Республика дурххун дур АьФ-лул субъектирдайсса яла хьхьичIунну зузими МФЦ-дал группалувун.

ХIажи Султановлул кIицI лавгунни 2020 шинал республикалул МФЦ-дал хьхьичI бивхьуну бушиву агьамсса, чара бакъа биттур бан аьркинсса масъалартту.
Му бакъассагу, региондалий пикрилий бур чил билаятир­ттал паспортру дузал байсса ва электрон журалий информация щаллу бай­сса цIусса филиаллу тIитIинсса.
ЦIусса шинал хъуннасса къулагъасрайн лавсунни МФЦ-лул зузалтрал даврил даража гьаз баву.