[dropcap]Я[/dropcap]нварьданул 20-нний хьунни Аьрасатнал Федерациялул культуралул министрнал хъиривчу Ольга Яриловал каялувшиндаралусса видеоконференция. Му хас бувну бия «Культура» тIисса цIанилусса Национал проект иширайну зузи даврил хIасиллан.
Бадрижамал Аьлиева
[dropcap]В[/dropcap]идеоконференциялий гьуртту хьунни Аьрасатнал культуралул министрнал хъиривчу Сергей Обрывалин, Аьрасатнал Культуралул министерствалул Кинематографиялул Департаментрал бакIчи Ольга Любимова ва цаймигу.
Дагъусттан Республикалул чулуха видеоконференциялий гьуртту хьунни ДР-лул ХIукуматрал Председательнал цалчинма хъиривчу Анатолий Карибов, Республикалул БакIчинал ва ХIукуматрал Администрациялул сакиншиндарал ва проектрал управлениялул отделданул консультант Насруттин Кьурбанов, ДР-лул культуралул министр Зарема Буттаева.
Видеоконференциялул дайдихьулий Ольга Яриловал барча дунни Дагъусттан Республика сакин шаврил Кьини.
Гихунмайсса цинявппагу ихтилатру бия «Культурная среда», «Творческие люди», «Цифровая культура» тIисса цIардалусса регионал проектру щаллу даврийн багьайсса. Вай проектирдавусса цалчинмунил лагрулий жулла республикалий цIуну бувссар культуралул объектру, дурссар хьхьичIва бувминнул ремонтру, шяраваллан буллуссар нигьирттайсса культуралул центрду, яни автоклубру.
«Творческие люди» проектрал лагрулий республикалул культуралул зузалтрал цала пишакаршиврул даража лавай баврицIун бавхIусса курсру бувккуссар, дурссар дунияллул халкьуннал дянивсса фестиваллу, выставкалул проектру ва «Культуралул волонтертал» тIисса цIанилусса Республикалул цалчинсса форум.
«Цифровая культура» тIимур проектрал лагрулий дурми давурттавух кIицI лаганну С. Стальскийл цIанийсса Лазгиял музыкалул ва драмалул театрданул базалий тIивтIусса концертру дувайсса виртуал зал ва П. ХIамзатовал цIанийсса музейравусса экспозициярттал ва выставкалул проектирдал мультимедиа-гид. Проектирдал лагрулийсса давуртту ккаккан дурсса чIумул мутталий щаллу дурссар жулла республикалий.
