[dropcap]Я[/dropcap]нварьданул 22-нний МахIачкъала шагьрулул бакIчи хьунаавкьунни республикалул СМИ-лул вакилтуращал. Оьвкуну бия республикалул телеканаллал, журналлал ва кказитирттал каялувчитурайн.

Шагьрулул бакIчинал бувсунни му хьунабакьаврил хъунмур мураднугу бушиву цува СМИ-лущал, журналистуращал хъиннува гъанну, хIала-гьурттуну зун ччай ушиву.

Ларгсса шинал мутталий мериялул бартбигьлай бивкIсса мурадирттая ва хьхьичIунмайгу бартбигьин ччисса масъаларттая гьарза-гьартану бувсунни Салман Дадаевлул. Дуллунни аьщу-ххуттай авцIусса жавабру журналистурал суаллахьхьун.

Муния махъ цаппара кказитирттал каялувчитуран мериялул чулухасса наградартту барчаллагьрал чагъардугу буллуна. «Замана», «Лезги газет» ва «Зори Табасарана» кказитирттан.
Шиккура икьрал дунни укунсса хьунабакьавуртту чIумуя чIумуйн мукьахуннайгу дувавансса.

ХIадур бувссар
ХI. Аьдиловлул