Экономикалул министр хьунаавкьунни Миусищиял жяматращал
Ноябрь зурул 6-нний ДР-лул экономикалул министр ХIажи Султанов хьунаавкьунни Дахадаевуллал райондалийсса Миусищиял шяраваллил жяматращал. Ва хьунабакьаврий ххал бивгьунни махъсса ппурттуву ва шяраваллил жяматрал гьаз буллалисса щинал масъала.
ДакIнийн бутанну, Миусищиял шяраваллил жямат къарши бувккун бушиву, цала шяравухчIин ХIурахъун ва Бускрив щин дуцин къабитлай. Вай бур цала аьрщарайхчIин дуцлацисса щинал 150 гектарданийсса вацIлун ва ххулув байсса, ятту-гъаттарал дукайсса лухччан зарал биян банссар тIий.
ХIажи Султановлул кIицI лавгунни щин дуцаврил масъала ххишала бакъа агьамсса бушиву, ва шяравухчIин щинаххуллу бувну махъ, 7-8 азарахъул инсан щинал дузал хьун най ушиву, укунсса масъаларттугу кувннай кув бавкьуну, дусшиврий ва маслихIатрай бартбигьин аьркиншиву.
