[dropcap]М[/dropcap]ахIачкъала шагьрулул администрациялул гьашину лавсун бур шанна шинал лажиндарай къаласун хьусса документ – шагьру кIинтнийн, яъни кIинтнил сезондалийн, хIадурну бушиву исват буллалисса паспорт.

П. Рамазанова
Ва документ шагьрулул мэр Салман Дадаевлухьхьун буллунни Ростехнадзорданул Ккав­кказуллал управлениялул комиссиялул председатель Артур Амуттиновлул. Ванал бувсунни шагьрулул гъилишиврул­сса буллалисса идарартту циняр тIалавшиннарду бартдиргьуну зий бушиву, даврил тагьар ххал дигьлагьисса хIасиллу аьй рищунсса къархьушиву. Салман Дадаевлулгу бувсунни Ростехнадзорданул управлениялул зузалтрал хъуннасса даву дурну душиву ва шагьрулул агьлугу, хъамалгу кIинтния рязину личIансса даражалий ЖКХ-лул управлениягу зун­ссар тIисса ният душиву. Уттива ялунчIинсса кIинтнил сезондалийнгу хIадур шаврил план дувангу тапшур бунни.