Уттигъанну Каспийскалий бавтIун бия «Аьра­сатнал нитти­хъул» тIисса сукку­шиндарал личIи-личIисса кIанттурдаясса вакилтал. БатIаву хьунни «Россия PLAZA» ресторандалуву.

Бадрижамал Аьлиева
Цилва ихтилатраву Дагъусттаннайсса суккушиндарал каялувчи Таиса МахIаммадовал кIицI лавгуна ялату нанисса шинал суккушиндарал кьюкьри цIусса гьурттучитурайну авадан хьушиву, умуд бушиву давуртту хъиннура гьарта-гьарза хьуншиврийн.

Дурмуния ва данмуния ихтилат­ру бувну махъ, «Аьрасатнал ни­ттихъул» суккушиндарал кIанттул отделениярттал каялувчитуран ва хьхьичIунну зузисса гьурттучитуран дуллуна грамотартту. «ДР-лул Маммологтурал ва радиологтурал ассоциация» тIисса цIанилусса региондалул жяматийсса организациялул президент ПатIима Тамаеван дуллуна «Аьрасатнал нитти­хъул» суккушиндарал яла лараймур награда.
Мажлис лахъи лавгуна ххуй-хъинсса ссупралух ва Дагъусттаннал артистътурал музыкалул номердахун.