Уттигъанну «Дагестан» РИА-лул редакциялий журналистуращал хьунаавкьунни Республикалул медициналул центрданул хъунама хIакин, Уцумил арс МахIаммадов Ибрагьим

Имара Саидова
Ванал бувсунни ва Центрданий Республикалул клиникалул 2-мур азархана буллалишиву. Утти­нин Республикалул медициналул центрданувун бухлай буссия Ветерантурал госпиталь, гериатриялул центр, поликлиника ва муницIун бавхIусса 1-мур азархана.

Центрданул экономикалул ва кадрардал тагьаргу ххал диргьуну, хIукму бувну бур ши­кку лавайсса медициналул кумаг буллансса даражалийсса Рес­публикалул 2-мур азарханагу тIитIинсса. Центрданий хIасул дантIиссар лавайсса медициналул кумагру буллансса цинярда шартIру. Шикку буллантIий бур онкологиялул, хирургиялул, урологиялул, гинекологиялул операцияртту.

МахIаммад Ибрагьимовлул кIицI лавгунни клиникалий украсса ОМС системалул хIаллихшиннардацIун дикIан­шиву багьлухссагу.
Ванал бувсунни хIакьинусса кьини Республикалул медициналул центрданий 700-ннийн бив­сса хIакинтал зий бушиву.
«Жу сайки щаллуну сакин дарду цIусса поликлиникалул, регистратуралул проектрал дизайн. Шикку хьхьичIра-хьхьичI хIасул дантIиссар къашайшала анаварсса мутталий кьамул увансса шартIру», – увкунни хъунама хIакиннал.