ЦIушинал шадлугъру

[dropcap]Я[/dropcap]ргсса ва авадансса программарду хIадур дурну дия Лакрал театрданул ЦIусса шинал хьунийн ва байрандалул гьантрай.

Шин дайдихьулул гьантрай ккаккан дуруна аьдатравун дагьсса «ЦIусса шинал концерт», цинявппа артистал гьурттуну, хъярч-махсаралул номердугу хIаласса.


Зулайхат Тахакьаева
[dropcap]Б[/dropcap]айрандалул гьантрай оьрчIан ккаккан бувунни Казбек Мазаевлул «Къучагъсса барзукка» тIисса спектакль.
Спектакльдания махъ Мариян Илиясовал цIанийсса «Дараччи» клубрал дуруна ЦIусса шинан хас дурсса назмурдал конкурс, гьуртту хьуминнайх дарчIуна бахшишру.

Гара кьини хъуниминнан ккаккан бувуна Казбек Мазаевлул музыкалул къямадия «Гъази-Гъумучиял серенада».
Январь зурул 6-нний театрданул артистал миллатирттал яннардаву зюннав-дачIулущал занай бия театрданул къатрачIату Лениннул майданнив бияннин шагьрулул жямат ЦIусса шинащал барчагу буллай, гай тяхъа буккан буллай.
Гьунттий, январь зурул 12-нний, театрданул тикрал дуллай бур ЦIусса шинал концерт. Бухьхьияра бигьалаган.
Дайдихьлахьиссар 18.30. ссят­раву.