Дагъусттаннал хъуншагьрулий унгу-унгуну щуруй дур «Формирование комфортной городской среды» тIисса федерал программалул лагрулийсса давуртту.
[dropcap]П[/dropcap]рограммалийн бувну дакьин дуллай бур лахъ къатрал 23 хIаят ва халкь бигьалагайсса, сайр бувайсса 5 кIану. Вай бакъасса цIусса скверду бувантIиссар ЦIусса Хушетрайсса 6-мур магьирлугърал школалул ва Имам Шамиллул цIанийсса кучалийсса 8-14 къатрал чIарав.
Бухсса мурхьру ххуку буллай, бакьин буллай буссар Афганцынал парк ва генерал Оьмаровлул цIанийсса сквергу.
Вай давурттал ялув авцIуну ур цIуну ивтсса МахIачкъалаллал бакIчи Мурад Аьлиев.
ХIадур бувссар
З. АьбдурахIмановал
