Хьхьувай шану бакъасса инсан увчIин бюхъайссар так цува шанай къаикIайнан. Шанул ккаккан байссар чур­ххал хIал. Шану ччя-чяни ххияй, цичIар цIуцIисса дакъа­сса чIумалгу. Яла ххуймур дарув шану къабияврия, хъанай бур инсан тIайлану оьрму бутлатаву.

Инсан чара бакъа чялишну сукку тIун багьлай бур. Дуллалияра кIюрххил зарядка. Хъинну агьамссар цава-ца чIумал уттубишаву, заралссар уттуивхьуну телевизор ххал буллалаву, кказит буккаву.
-Инсан шанавун гьан кумаг байссар рангирдал: хъинссар зура лаххайсса янна, къатлувусса лултту-ялттусса хъахъисса, щюллисса, салатрал, наранжи рангирдал духьурча. Шанавун гьан кумаг байссар михакрал, базиликрал, жасминдалул кьункьалгу. ЦIусса ягу кьаркьсса вай ур­тту шанул ялув лахъан бучIиссар, ягу кIараллул чIарав чантайлуву дишин бучIиссар.
-Хьхьувай, шанул хьхьичI заназин дурну хъинссар, зурулух хъиннува, яла гъилисса душгу кьамул дурну, кIирисса накIлил стакан, ницIал чIири къусагу дирхьуну , ягу чяйлул ца стакан хIавчIун хъинссар, мускат­рал гьивхьхьул къепгу бивчу­сса. Уттубишин хьхьичI хъин­ссар чIанччаннай, никъурттай, ччимур ххяххиялул нагьлий, массаж буван.
Шану бияншиврул:
-50 г. укропрал къалмул шашан дуллан 15-20 минутIрайсса лагьсса цIарай, дачIи литIра чяхирдануву (кагор ягу портвейн) кIучI дурну дитан ца ссятрайсса, диргьуну, хIачIлан 50-60 г. уттубишин хьхьичI.
l-2 хъунна къуса ницIал­хъуварал дуртуну кIучIин, ялун бутIин ца стакан щаращисса щинал, 30-40 минутIрайсса кIучI дурну, гъилину хIачIан уттубишин 2 ссятрал хьхьичI бачIи стакан. Яла ливчIмур бачIи стакан, лурдагьрулущал, ссят ларгун махъ, цуппагу гъилину. ХIачIлан 2 нюжмардул мутталий.
-Уттубишин хьхьичI бувку­сса чимусулгу шану ххуйну биян байссар.
-Валерьянкалул цаппара кIунтI­ру бувтIуну коньякрал бокал­данувун, ссунтIа тIутIияра. ХIачIан аьркиншиву дакъассар, укунмагу шану биянтIиссар.